wd wp Пошук: ⬜

Аляксей Віктаравіч Гаўрыловіч

.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Аляксей Гаўрыловіч (нар. 5 студзеня 1990, Пінск) — беларускі футбаліст, абаронца расійскага клуба «Валгар» з Астрахані.

Клубная кар’ера

Выхаванец пінскай СДЮШАР-3, з 2008 года гуляў за мінскае «Дынама», у асноўным за дубль. У другой палове сезона 2011, калі галоўным трэнерам быў Сяргей Аўчыннікаў, трывала трапляў у асноўны склад мінскай каманды.

У сакавіку 2012 года быў аддадзены ў арэнду наваполацкаму «Нафтану». Здолеў стаць іграком асновы наваполацкага клуба. 20 мая 2012 года, забіўшы апошні пасляматчавы пенальці ў браму «Мінска», дапамог «Нафтану» выйграць Кубак Беларусі 2012.

У студзені 2013 года перайшоў у «Гомель»[3], дзе адразу стаў іграком асновы. Звычайна гуляў на пазіцыі цэнтральнага абаронцы, часам выкарыстоўваўся як апорны паўабаронца ці флангавы абаронца.

Сезон 2014 распачаў у якасці правага абаронцы, але неўзабаве быў пераведзены на левы фланг і замацаваўся на новай пазіцыі. У студзені 2015 года падоўжыў кантракт з «Гомелем»[4]. Неўзабаве адправіўся на прагляд у клуб расійскай Прэм’ер-лігі «Мардовія», але ў выніку застаўся ў «Гомелі»[5]. У сезоне 2015 года стаў адным з лідараў каманды, стаў выступаць у цэнтры абароны. У ліпені 2015 года з-за нявыплат з боку клуба звярнуўся ў АБФФ[6], а неўзабаве па ўзаемнай згодзе пакінуў «Гомель»[7].

У жніўні 2015 года падпісаў кантракт са «Слуцкам»[8]. Замацаваўся ў аснове «Слуцка», але па заканчэнні сезона ў лістападзе 2015 года пакінуў клуб[9].

У студзені 2016 года далучыўся да складу «Белшыны»[10], а ў ліпені таго ж года перайшоў у брэсцкае «Дынама»[11], дзе стаў асноўным цэнтральным абаронцам, а неўзабаве і капітанам. У чэрвені і ліпені 2017 года не гуляў з-за траўмы, пасля вярнуўся ў стартавы склад. У ліпені 2018 года па пагадненні бакоў пакінуў брэсцкі клуб[12] і неўзабаве стаў іграком мінскага «Дынама»[13], дзе таксама хутка замацаваўся ў стартавым складзе. У другой палове 2019 года выконваў функцыі капітана каманды.

У студзені 2020 года па пагадненні бакоў разарваў кантракт з дынамаўцамі[14] і хутка перайшоў у казахстанскі «Акжэтпес»[15]. У лютым 2021 года стаў трэніравацца з гродзенскім «Нёманам» і неўзабаве падпісаў пагадненне[16]. Ужо ў маі 2021 года па пагадненні бакоў пакінуў гродзенскі клуб[17].

У чэрвені 2021 года падпісаў двухгадовы кантракт з клубам «Чайка» з расійскай ФНЛ[18]. Праз месяц пакінуў «Чайку» пасля таго, як яна за ўдзел у дагаварных матчах была пераведзена ў ніжэйшы дывізіён[19], аднак неўзабаве вярнуўся ў каманду. Пакінуў клуб па заканчэнні сезона ў чэрвені 2022 года[20] і неўзабаве папоўніў склад астраханскага «Валгара»[21].

Міжнародная кар’ера

Гуляў за моладзевую зборную Беларусі. У 2011 годзе разам з Арцёмам Салаўём увайшоў у канфлікт з галоўным трэнерам Юрыем Шуканавым, з-за чаго перастаў выклікацца ў зборную. Пасля адстаўкі Шуканава ў чэрвені 2012 года новы трэнер Аляксей Вяргеенка вярнуў Гаўрыловіча ў моладзевую зборную.

Таксама выступаў у алімпійскай зборнай. На Алімпійскіх гульнях 2012 выйшаў на замену ў адным матчы.

9 лістапада 2017 года дэбютаваў у нацыянальнай зборнай Беларусі, выйшаўшы на замену ў другім тайме таварыскага матча супраць Арменіі (1:4).

Дасягненні

02 Срэбраны прызёр чэмпіянату Беларусі: 2009
03 Бронзавы прызёр чэмпіянату Беларусі: 2018
Уладальнік Кубка Беларусі (3): 2012, 2017, 2018
Уладальнік Суперкубка Беларусі: 2018

Статыстыка выступленняў

Сезон	Дывізіён	Клуб	Матчы	Галы
2008	дубль	Дынама Мінск	23	6
2009	Д1	Дынама Мінск	1	0
2010	Д1	Дынама Мінск	7	0
2011	Д1	Дынама Мінск	24	0
2012	Д1	Нафтан	25	0
2013	Д1	Гомель	30	1
2014	Д1	Гомель	28	0
2015 (1)	Д1	Гомель	13	1
2015 (2)	Д1	Слуцк	12	0
2016 (1)	Д1	Белшына	14	1
2016 (2)	Д1	Дынама Брэст	14	0
2017	Д1	Дынама Брэст	19	0
2018 (1)	Д1	Дынама Брэст	13	1
2018 (2)	Д1	Дынама Мінск	13	2
2019	Д1	Дынама Мінск	22	0
2020	Д1	Акжэтпес	16	0
2021 (1)	Д1	Нёман	5	0
2021/22	Д3	Чайка	26	1

Сям’я

Жонка — беларуская гімнастка Алеся Бабушкіна, бронзавая прызёрка Алімпійскіх гульняў 2008 года ў Пекіне. Сям’я выхоўвае двух дзяцей[22].

Зноскі