wd wp Пошук: ⬜

Юрый Навумавіч Ліпскі

У Вікіпедыі ёсць артыкулы пра іншых асоб з прозвішчам Ліпскі.

Юрый Навумавіч Лі́пскі (22 лістапада 1909, Дуброўна — 24 студзеня 1978, Масква) — савецкі астраном, доктар фізіка-матэматычных навук (1963), прафесар. Удзельнік Вялікай Айчыннай вайны.

Біяграфія

Ю. Н. Ліпскі нарадзіўся ў Дуброўна (сучасны раённы цэнтр Віцебскай вобласці Беларусі). З 1925 г працаваў электраманцёрам на вагонарамонтным заводзе[1]. У 1933 годзе паступіў на фізіка-матэматычны факультэт Маскоўскага ўніверсітэта, які скончыў у 1938 годзе і застаўся ў аспірантуры пад кіраўніцтвам акадэміка В. Р. Фясенкава. У 1941 годзе прыняты на пасаду загадчыка Кучынскай астрафізічнай лабараторыі Дзяржаўнага астранамічнага інстытута імя П. К. Штэрнберга (ДАІШ). З лютага 1942 г. да верасня 1945 г. Ю. Н. Ліпскі у дзеючай арміі, удзельнік баёў на Варонежскім, Украінскім франтах, на тэрыторыі Польшчы, Чэхаславакіі, Германіі [1]. Пасля дэмабілізацыі Ю. Н. Ліпскі на пасадзе асістэнта ДАІШ, у 1948 годзе абараніў кандыдацкую дысертацыю. З 1953 года на пасадзе загадчыка Лабараторыі фотаметрыі і спектраскапіі. Адначасова чытаў курс лекцый па тэарэтычнай фізіцы. У 1963 годзе Ю. Н. Ліпскі абараніў доктарскую дысертацыю. З 1964 г. загадчык Аддзела фізікі Месяца і планет ДАІШ.

Памёр Ю. Н. Ліпскі 24 лютага 1978 г. Пахаваны на Ваганькаўскіх могілках у Маскве.

Узнагароды

За баявыя заслугі Ю. Н. Ліпскі ўзнагароджаны ордэнамі і медалямі[1].

Памяць

Рашэннем Міжнароднага астранамічнага саюза ў гонар Ю. Н. Ліпскага названы кратэр на адваротным баку Месяца [1].

Зноскі

1 2 3 4 Шевченко В. В., Родионова Ж. Ф. ЮРИЙ НАУМОВИЧ ЛИПСКИЙ (К 90-летию со дня рождения) (руск.)

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 9: Кулібін — Малаіта. — 560 с. — 10 000 экз. — ISBN 985-11-0155-9 (т. 9), ISBN 985-11-0035-8. — С. 278.

Спасылкі

Шевченко В. В., Родионова Ж. Ф. ЮРИЙ НАУМОВИЧ ЛИПСКИЙ (К 90-летию со дня рождения) (руск.)
Липский Юрий Наумович // Астронет (руск.)
Липский Юрий Наумович (руск.) // Праект «Память народа»
Юрий Наумович Липский (К 100-летию со дня рождения) // НАУКÁРУС (руск.)