wd wp Пошук:
    ⬜

    Эдвард Нортан

    Эдвард Нортан (анг.: Edward Norton; нарадзіўся 18 жніўня 1969) — амерыканскі акцёр

    , кінарэжысёр, кінапрадзюсар і аператар, двойчы быў намінаваны на прэмію «Оскар».

    Сям’я

    Яго маці Робін, настаўніца англійскай мовы, памерла ад пухліны мозгу ў 1997 годзе. Яго бацька — Эдвард-старэйшы, былы федэральны выканаўца ў адміністрацыі Картэра, зараз працуе ў арганізацыі па ахове гістарычных каштоўнасцяў. Яго дзед — забудоўшчык Джэймс Роўз (сканаў у 1996 годзе), вядомы сваёй падтрымкай у будаўніцтва горада Калумбія, штат Мэрыленд і дапамогай у забудове ўнутранай гавані Балтымара і Бостанскага кірмашу Квінсі. Яго сястра, Молі Нортан, вучылася ва універсітэце Вашынгтона і Лі.

    Біяграфія

    Нортан нарадзіўся ў Бостане, штат Масачусетс, але вырас у горадзе Калумбія, штат Мэрыленд.

    У пяць гадоў Эдвард зацікавіўся тэатрам, неўзабаве пачаў займацца ў Арэстэйнаўскай Калумбійскай школе тэатральнага мастацтва і ў восем гадоў дэбютаваў на сцэне ў мясцовай пастаноўцы.

    Нортан скончыў вышэйшую школу Уайлд Лэйк у 1985 годзе, затым Ельскі ўніверсітэт у 1991 годзе са ступенню бакалаўра па гісторыі. У Елі Нортан па-ранейшаму займаўся тэатрам. Ён наведваў мноства факультэтаў, хоць драматычны ніколі не быў для яго профільным. Акцёр Рон Лівінгстан быў яго сакурснікам і такім жа самадзейным акцёрам. Эдвард таксама вывучаў японскую мову і наведваў папулярную школу англійскай мовы NOVA Group. Адразу пасля атрымання дыплома, ён адправіўся ў Японію, дзе працаваў у кампаніі свайго дзеда Enterprise Foundation. І толькі праз некалькі гадоў, у 1994 годзе, вярнуўшыся ў Нью-Ёрк, Эдвард вырашыў адмовіцца ад звыклай працы і цалкам прысвяціць сябе акцёрскай кар’еры.

    Падпрацоўваючы афіцыянтам, Нортан граў на некалькіх тэатральных сцэнах Нью-Ёрка, і ў выніку быў прыняты ў кампанію New York Signature Theater Company, сябрам рады дырэктараў якой ён з’яўляецца ў цяперашні час.

    Дэбютам у кіно для Нортана стаў фільм «Першабытны страх» (1996), дзе ён згуляў маладога зняволенага. За гэтую ролю ён атрымаў прэмію Залаты глобус і быў намінаваны на прэмію Оскар, як лепшы акцёр другога плана. У далейшым яго не раз намінавалі, у тым ліку і на лепшую мужчынскую ролю за гульню ў фільме аб неанацыстах «Амерыканская гісторыя Ікс» і за ўдзел у экранізацыі рамана Чака Паланіка «Байцоўскі клуб».

    Апошні час ён граў самога сябе ў эксперыментальным камедыйным тэлесерыяле «Стэла». Гэтак жа набыў ухвалу крытыкаў за ролю пракажанага караля ў фільме «Царства Нябеснае». У 2000 годзе ён дэбютаваў як рэжыёэр, зняўшы камедыю «Захоўваючы веру». Сваёй гульнёй у фільме «Ілюзіяніст» 2006 года ён ізноў заслужыў станоўчыя водгукі крытыкаў.

    У яго былі блізкія адносіны з актрысамі Сальмай Хаек, Дру Бэрымар і Кортні Лаў, з якой ён гастраляваў як сесійны гітарыст у яе групе Hole.

    Зноскі

    1. ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #122143353 // Агульны нарматыўны кантроль — 2012—2016. Праверана 26 красавіка 2014.
    2. ↑ Edward Norton // SNAC — 2010. Праверана 9 кастрычніка 2017.
    3. ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #122143353 // Агульны нарматыўны кантроль — 2012—2016. Праверана 11 снежня 2014.
    4. ↑ http://www.aveleyman.com/ActorCredit.aspx?ActorID=19641
    5. ↑ http://www.reelz.com/person/73585/edward-norton/
    6. ↑ (unspecified title) Праверана 4 сакавіка 2021.

    Спасылкі

    Тэмы гэтай старонкі (17):
    Нарадзіліся ў 1969 годзе
    Акцёры паводле алфавіта
    Вікіпедыя:Артыкулы з пераазначэннем значэння з Вікідадзеных
    Лаўрэаты прэміі «Залаты глобус»
    Лаўрэаты прэміі «Спадарожнік»
    Вікіпедыя:Артыкулы з крыніцамі з Вікідадзеных
    Вікіпедыя:Біяграфіі сучаснікаў
    Кінарэжысёры паводле алфавіта
    Кінарэжысёры ЗША
    Акцёры ЗША
    Выпускнікі Ельскага ўніверсітэта
    Нарадзіліся ў Бостане
    Кінапрадзюсары ЗША
    Асобы
    Нарадзіліся 18 жніўня
    Карыстальнікі Twitter
    Кінапрадзюсары паводле алфавіта