У гэтага паняцця ёсць і іншыя значэнні, гл. Чарот.
Чаро́т[3][4], Міліца[5] (Scirpus) — род кветкавых раслін сямейства Асаковыя (Cyperaceae). Часта чаротам няправільна называюць трыснёг.
Аднагадовыя і шматгадовыя травяністыя расліны. Сцябло вышынёй да 3 м, акруглае ці трохграннае, з унутранай рыхлай паветраноснай тканкай — аэрэнхімай. Лісце лінейнае, трохграннае або ніткаладобнае ці рэдукаванае. Кветкі ў падоўжана-яйцападобных каласках, сабраных у складанае суквецце, радзей адзіночныя. Плод — арэшак.
Налічваецца больш за 250[4] відаў (50 відаў[6]). Пашыраны ўсюды, пераважна ў тропіках і субтропіках. На тэрыторыі Беларусі растуць чарот лясны (Scirpus sylvaticus), чарот самаўкараняльны (Scirpus radicans), чарот Табернемантана (Scirpus tabernaemontani)[4]. Трапляюцца па берагах вадаёмаў і лясных ручаёў, па балотах, часта ў вадзе.
Сцёблы выкарыстоўваюць для пляцёных вырабаў, як упаковачны, цеплаізаляцыйны і будаўнічы матэрыял.