Ху Цзіньтаа (кіт. трад. 胡錦濤, спр. 胡锦涛, піньінь Hú Jǐntāo; нар. 21 снежня 1942, павет Тайчжоу, правінцыя Цзянсу, Кітай) — дзяржаўны дзеяч КНР, Старшыня КНР (2003—2013), генеральны сакратар ЦК КПК (2002—2012).
Па нацыянальнасці хань.
Скончыў Пекінскі політэхнічны ўніверсітэт Цынхуа (1965) і займаўся ў ім навукова-даследчай працай. У час «культурнай рэвалюцыі» сасланы (1968) на «перавыхаванне працай» чорнарабочым у правінцыю Ганьсу. 3 1969 на тэхнічнай, партыйнай і грамадскай (з моладдзю) рабоце ў будаўніцтве.
3 1982 старшыня Усекітайскага саюза моладзі, з 1984 1-ы сакратар сакратарыята яго ЦК. 3 1985 сакратар камітэтаў Камуністычнай партыі Кітая (КПК) правінцыі Гуйчжоу і Тыбецкага аўтаномнага раёна (1988—92). 3 1992 член Пастаяннага камітэта Палітбюро ЦК КПК і Сакратарыята ЦК КПК. Адначасова дырэктар Партшколы ЦК КПК, намеснік старшыні Кітайскай Народнай Рэспублікі, з 1999 1-ы намеснік старшыні Цэнтральнага ваеннага савета КНР.
Генеральны сакратар ЦК КПК з лістапада 2002. Старшыня КНР з сакавіка 2003. Старшыня Цэнтральнага ваеннага савета ЦК КПК з верасня 2004. Пакінуў пасаду Генеральнага сакратара ЦК КПК 15 лістапада 2012, Старшыні КНР — 14 сакавіка 2013 года.