wd wp Пошук: ⬜

Уэйн Руні

У Вікіпедыі ёсць артыкулы пра іншых асоб з прозвішчам Руні. .mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Уэйн Марк Руні (англ.: Wayne Mark Rooney; нар. 24 кастрычніка 1985, Ліверпул, Англія) — англійскі футбаліст (нападнік) і трэнер. Ігрок нацыянальнай зборнай Англіі (2003—2018). У цяперашні час працуе галоўным трэнерам амерыканскага клуба «Дзі Сі Юнайтэд».

Раннія гады

Уэйн вырас у Крокстэце, у адным з раёнаў Ліверпула, у сям’і пралетарыяў. З 1997 па 2002 гады навучаўся ў Дэласальскім гуманітарным каледжы, дзе пазней таксама навучаліся два яго малодшыя браты Грэм і Джон. З дзяцінства Руні быў заўзятарам клуба «Эвертан», а яго кумірам быў шатландскі нападнік Данкан Фергюсан.

Клубная кар’ера

У малодшым школьным узросце Уэйн гуляў за клубы «Ліверпул Скулбойз» і «Дынама Браўнінгз». На сваё адзінаццацігоддзе перайшоў у футбольную акадэмію «Эвертана». Усеагульная вядомасць прыйшла да Руні 19 кастрычніка 2002 года, калі ён ва ўзросце 16 гадоў і 360 дзён забіў гол у браму дзейнага чэмпіёна «Арсенала», стаўшы на той момант самым маладым галеадорам Англіі. З 2004 года на працягу доўгага часу выступаў за клуб «Манчэстэр Юнайтэд», дзе пазней стаў капітанам, а таксама найлепшым бамбардзірам клуба ў гісторыі.

У ліпені 2017 года вярнуўся ў «Эвертан», падпісаўшы двухгадовы кантракт[3]. У чэрвені 2018 года перайшоў у амерыканскі клуб «Дзі Сі Юнайтэд»[4].

У студзені 2020 года вярнуўся ў Англію, афіцыйна стаўшы іграком «Дэрбі Каўнці», дзе таксама ўвайшоў у трэнерскі штаб[5]. У лістападзе 2020 года пасля звальнення Філіпа Каку ўвайшоў у часовы трэнерскі штаб клуба, а ў студзені 2021 года афіцыйна завяршыў гульнявую кар’еру і ўзначаліў каманду[6].

Міжнародная кар’ера

Выступаў за юнацкія зборныя Англіі, а 12 лютага 2003 года дэбютаваў у нацыянальнай зборнай у таварыскім матчы супраць Аўстраліі. Прымаў удзел у чэмпіянатах Еўропы 2004, 2012 і 2016, чэмпіянатах свету 2006, 2010 і 2014. У жніўні 2014 года быў прызначаны капітанам зборнай пасля таго, як Стывен Джэрард завяршыў міжнародную кар’еру. Пасля лістапада 2016 года не гуляў за нацыянальную каманду, і ў жніўні 2017 года вырашыў завяршыць кар’еру ў зборнай. 15 лістапада 2018 года правёў развітальны матч за зборную Англіі, выйшаўшы на замену ў другім тайме ў таварыскім матчы супраць ЗША.

Трэнерская кар’ера

Пасля завяршэння кар’еры ў студзені 2021 года стаў галоўным трэнерам «Дэрбі Каўнці». Пакінуў каманду ў чэрвені 2022 года пасля таго, як яна страціла месца ў Чэмпіёншыпе.

У ліпені 2022 года ўзначаліў амерыканскі «Дзі Сі Юнайтэд»[7].

Дасягненні

Чэмпіён Англіі (5): 2007, 2008, 2009, 2011, 2013
Уладальнік Кубка Англіі: 2016
Уладальнік Кубка Футбольнай лігі (3): 2006, 2010, 2017
Уладальнік Суперкубка Англіі (4): 2007, 2010, 2011, 2016
Пераможца Лігі чэмпіёнаў: 2008
Пераможца Лігі Еўропы: 2017
Пераможца клубнага чэмпіянату свету: 2008

Зноскі

↑ Wayne Rooney // Transfermarkt — 2000. Праверана 9 кастрычніка 2017.
↑ Wayne Rooney // Encyclopædia Britannica Праверана 9 кастрычніка 2017.
↑ «Эвертон» объявил о возвращении Руни. by.tribuna.com.
↑ «Ди Си Юнайтед» объявил о переходе Руни. Он провел в АПЛ 16 лет. by.tribuna.com.
↑ Руни официально стал игроком “Дерби Каунти”. football.by.
↑ Руни - новый главный тренер “Дерби Каунти”. football.by.
↑ Уэйн Руни назначен главным тренером “Ди Си Юнайтед”. football.by.

Спасылкі

На Вікісховішчы ёсць медыяфайлы па тэме Уэйн Руні
Статыстыка выступленняў за «Манчэстэр Юнайтэд» на сайце StretfordEnd.co.uk (англ.)
Статыстыка выступленняў за зборную Англіі на сайце EnglandStats.com (англ.)