Ужэшч (польск.: Wrzeszcz) — раён і гістарычная мясцовасць у Гданьску на паўночны захад ад цэнтра горада.
Назва «Ужэшч» паходзіць ад старапольскіх слоў «Урэст» і «Ужост», якія ў сваю чаргу азначалі верас (раней на гэтай тэрыторыі быў лес з верасам). З дакумента князя Святаполка ІІ, выдадзенага 25 лістапада 1263 года, бачна, што першапачатковая назва — Урэшт. У 1404 годзе паселішча атрымала назву Лангфур — у той час тут мелі свае гаспадаркі нямецкія рыцары-крыжакі. «Лангфур» па-нямецку азначаў доўгую пад’язную дарогу.