wd wp Пошук: ⬜

Сяргей Уладзіміравіч Русецкі

.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} У Вікіпедыі ёсць артыкулы пра іншых асоб з прозвішчам Русецкі. Сяргей Русецкі (нар. 8 сакавіка 1989, Мінск) — былы беларускі футбаліст, паўабаронца. У цяперашні час працуе галоўным трэнерам жаночай футбольнай каманды «Зорка-БДУ».

Клубная кар’ера

Выхаванец клуба «Зорка-БДУ», за які ў 2006—2007 гадах выступаў у Першай лізе.

У лютым 2008 года разам з шэрагам іншых беларускіх ігракоў перайшоў у чэшскі клуб «Мост»[3]. З цягам часу стаў адным з асноўных футбалістаў каманды. У пачатку 2012 года з-за траўмы вярнуўся ў «Зорку-БДУ», за якую гуляў у Другой лізе. Другую палове сезона 2012 правёў у другім дывізіёне Швецыі ў клубе «Брагэ».

У пачатку 2013 года зноў стаў іграком «Зоркі-БДУ», аднак неўзабаве быў арандаваны клубам Вышэйшай лігі «Мінск». У складзе «Мінска» правёў толькі адзін матч і ўлетку пакінуў каманду з-за траўмы, да канца сезона больш не з’яўляўся на полі. У сезоне 2014 стаў выступаць за «Зорку-БДУ» ў Першай лізе, дзе стаў адным з лідараў каманды. У жніўні 2014 года разам з таварышам па «Зорцы» Аляксеем Хадневічам на правах арэнды далучыўся да магілёўскага «Дняпра», аднак не здолеў замацавацца ў аснове, а каманда па выніках сезона выбыла ў Першую лігу.

З 2015 года зноў стаў гуляць за «Зорку-БДУ». Большую частку сезона 2016 прапусціў з-за траўмы. У сакавіку 2018 года перайшоў ва ўзбекскі клуб «Бухара»[4], аднак ужо ў чэрвені таго ж года пакінуў яго[5].

У ліпені 2018 года вярнуўся ў Беларусь, папоўніўшы склад «Смалявічаў»[6]. Спачатку звычайна выхадзіў на замену, пазней стаў з’яўляцца ў стартавым складзе.

У студзені 2019 года перайшоў у мінскі НФК [7]. Пакінуў каманду ў жніўні 2019 года[8].

Міжнародная кар’ера

У студзені 2009 года выступаў за малодшую моладзевую зборную Беларусі (да 20 гадоў) на турніры ў Досе, дзе ў трох матчах забіў тры галы. 25 сакавіка 2011 года згуляў за моладзевую зборную Беларусі ў таварыскім матчы супраць Чэхіі (0:2).

У кастрычніку 2011 года быў запрошаны ў алімпійскую зборную Беларусі, у стартавым складзе якой выйшаў у матчы супраць другой зборнай Расіі (2:3), аднак быў заменены ўжо ў першым тайме.

Трэнерская кар’ера

У лютым 2020 года быў прызначаны галоўным трэнерам жаночай каманды «Зорка-БДУ»[9].

Статыстыка выступленняў

Сезон	Дывізіён	Клуб	Матчы	Галы
2006	Д2	Зорка-БДУ	6	0
2007	Д2	Зорка-БДУ	24	2
2008/09	Д2	Банік	6	0
2009/10	Д2	Банік	12	0
2010/11	Д2	Банік	21	0
2011/12 (1)	Д2	Банік	10	2
2012 (1)	Д3	Зорка-БДУ	12	7
2012 (2)	Д2	Брагэ	10	2
2013 (1)	Д1	Мінск	1	0
2013 (2)	Д3	Зорка-БДУ	0	0
2014 (1)	Д2	Зорка-БДУ	13	7
2014 (2)	Д1	Дняпро	6	0
2015	Д2	Зорка-БДУ	25	6
2016	Д2	Зорка-БДУ	8	3
2017	Д2	Энергетык-БДУ	26	8
2018 (1)	Д1	Бухара	10	1
2018 (2)	Д1	Смалявічы	14	0
2019 (1)	Д2	НФК	8	0

Зноскі

↑ Sergey Rusetskiy // Transfermarkt — 2000. Праверана 9 кастрычніка 2017.
↑ Sergey Rusetsky // FBref.com
↑ Нашествие в “Мост”
↑ Сергей Русецкий перешел в клуб из Узбекистана
↑ Сергей Русецкий покинул “Бухару”
↑ Сергей Русецкий перешел в “Смолевичи”
↑ Трачинский и Русецкий стали игроками НФК. Костюкевич, Пархачев и еще два футболиста продлили контракты
↑ Русецкий покинул НФК
↑ “Зорку-БДУ” возглавил Сергей Русецкий

Спасылкі

Профіль на сайце transfermarkt.com (англ.)
Статыстыка на сайце footballfacts.ru (руск.)
Профіль на сайце by.tribuna.com (руск.)
Профіль на сайце soccerway.com (руск.)
Профіль на сайце teams.by (руск.)
Профіль на сайце pressball.by (руск.)