wd wp Пошук: ⬜

Сяргей Іванавіч Сікорскі

У Вікіпедыі ёсць артыкулы пра іншых асоб з прозвішчам Сікорскі. Сярге́й Іва́навіч Сіко́рскі (11 верасня 1907, Бабруйск — 28 красавіка 1960, Мінск) — савецкі партыйны і ваенны дзеяч, адзін з арганізатараў і кіраўнікоў падполля і партызанскага руху ў гады Вялікай Айчыннай вайны. Герой Савецкага Саюза (01.01.1944[1]).

Біяграфія

С. І. Сікорскі нарадзіўся ў Бабруйску. Працаваў рабочым, старшынёй калгаса, дырэктарам МТС. У 1929—1930 гг. праходзіў службу ў Чырвонай Арміі. У 1937 годзе скончыў Вышэйшую камуністычную сельскагаспадарчую школу Беларусі. Працаваў інструктарам ЦК КП(б)Б, з 1939 года — сакратаром па кадрам Брэсцкага абкама КП(б)Б.

З пачаткам Вялікай Айчыннай вайны С. І. Сікорскі па заданню ЦК КП(б)Б займаўся арганізацыяй падполля і партызанскага руху на тэрыторыі Віцебскай вобласці, а з лістапада 1942 г. прызначаны ўпаўнаважаным ЦК КП(б)Б па Брэсцкай вобласці. З красавіка 1943 г. — адначасова сакратар Брэсцкага падпольнага абкама партыі і камандзір Брэсцкага партызанскага злучэння.

Пасля вайны С. І. Сікорскі на адміністрацыйных і гаспадарчых пасадах — сакратар Баранавіцкага абкама ЦК КП(б)Б, намеснік міністра сельскай гаспадаркі БССР, 1-ы сакратар Магілёўскага абкама КПБ, міністр унутраных спраў БССР у 1958—1960 гадах. Дэпутат Вярхоўнага Савета БССР у 1951—1954 гадах, дэпутат Вярхоўнага Савета СССР з 1954 года. Выбіраўся членам ЦК КПБ з 1952 года.

Памёр С. І. Сікорскі ў Мінску і пахаваны на Вайсковых могілках.

Узнагароды

Памяць

Імем С. І. Сікорскага названыя вуліцы ў Бабруйску і Брэсце, школа ў вёсцы Здзітава Бярозаўскага раёна, Бабруйская узорная тэхнічная школа ДТСААФ[2].
Помнік на магіле Героя
Памятны знак на Алеі Герояў у Бабруйску[3]
У Брэсцкім дзяржаўным універсітэце імя А. С. Пушкіна штогод праводзіцца турнір па баскетболу на прыз імя Героя Савецкага Саюза С. І. Сікорскага.

Зноскі

↑ Указ Президиума Верховного Совета СССР «О присвоении звания Героя Советского Союза белорусским партизанам» от 1 января 1944 года // Ведомости Верховного Совета Союза Советских Социалистических Республик : газета. — 1944. — 6 января (№ 1 (261)). — С. 1
↑ Постановление Совета Министров Белорусской ССР от 26 апреля 1985 г. № 135 О присвоении имён Героев Советского Союза организациям ДОСААФ БССР Архівавана 5 сакавіка 2016. (руск.)
↑ Аллея Героев на площади Победы открыта 11 августа 2009 года, в День освобождения Бобруйска от немецко-фашистских захватчиков Архівавана 2 чэрвеня 2012. (руск.)

Літаратура

Сікорскі Сяргей Іванавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 374. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.
Высшее партизанское командование Белоруссии. 1941—1944: справочник / Э. Г. Иоффе [и др.]; под общ. ред. д-ра ист. наук проф. Э. Г. Иоффе. — Мн.: Беларусь, 2009. — С. 14, 33, 34, 99, 102—104. — 271 с. — 1 500 экз. — ISBN 978-985-01-0836-4. (руск.)

Спасылкі

Сяргей Іванавіч Сікорскі на сайце «Героі краіны»
Герой Советского Союза Сикорский Сергей Иванович (к 105-летию со дня рождения) Архівавана 4 сакавіка 2016. (руск.)
Партизанские командиры. Сергей Сикорский // БЕЛТА — Новости Беларуси (руск.)
Чайчиц И. Здитовский рубеж // Масава-палітычная газета Бярозаўскага раёна «Маяк» (руск.)
Знаете ли вы? Кто увековечен на Аллее Героев в Бобруйске? Архівавана 24 кастрычніка 2020. // Вечерний Бобруйск (руск.)