Спо́нка[1] — рака ў Беларусі, у Веткаўскім і Добрушскім раёнах Гомельскай вобласці, левы прыток ракі Сож (басейн Дняпра).
Даўжыня ракі 23 км, з іх 9 км на тэрыторыі Добрушскага раёна. Плошча вадазбору 218 км². Сярэдні нахіл воднай паверхні 1,1 м/км. Пачынаецца на паўднёвай ускраіне вёскі Барба, вусце за 1 км на захад ад вёскі Рудня Споніцкая. Рэчышча на працягу 4,7 км ад вытоку і 14,4 км ад пункта за 1,5 км на паўночны ўсход ад вёскі Млынок да пункта за 2 км на паўднёвы захад ад вёскі Тарасаўка каналізаванае.