wd wp Пошук: ⬜

Снітка

У гэтага паняцця ёсць і іншыя значэнні, гл. Снітка.

Сні́тка[4][5], Сныць[5] — род кветкавых раслін сямейства Парасонавыя (Apiaceae). Пашыраны ў Еўропе і ўмераным поясе Азіі. На тэрыторыі Беларусі 1 від — снітка звычайная (Aegopodium podagraria)[5].

Біялагічнае апісанне

Батанічная ілюстрацыя з кнігі О. В. Тамэ «Flora von Deutschland, Österreich und der Schweiz», 1885

Шматгадовыя травяністыя расліны з доўгім паўзучым карэнішчам. Лісце на доўгіх хвосціках, двойчы трайчастыя ці трайчатаперыстыя. Лісточкі — даўгавата-яйкападобныя, пілаватыя па краях.

Суквецці — парасонікі і парасончыкі, без лісточкаў абгорткі і абгортачак.

Кветкі дробныя, белыя, рэдка ружовыя. Тычынак пяць. Пад полагам лесу снітка звычайна не цвіце[6].

Плады — сціснутыя з бакоў віслаплоднікі з тонкімі ніткападобнымі рэбрамі.

Віды

Паводле базы даных The Plant List, род уключае 8 відаў[7]:

• Aegopodium alpestre Ledeb.
• Aegopodium burttii Nasir
• Aegopodium handelii H.Wolff
• Aegopodium henryi Diels
• Aegopodium kashmiricum (R.R.Stewart ex Dunn) Pimenov
• Aegopodium latifolium Turcz.
• Aegopodium podagraria L. typus[3] — Снітка звычайная, ці Снітка, ці Снытка
• Aegopodium tadshikorum Schischk.

Гаспадарчае значэнне

Лекавыя і меданосныя расліны. Некаторыя віды — пустазелле. Маладое лісце сніткі звычайнай валодае своеасаблівым пахам, багатае на вітамін C, ужываецца ў ежу[5].

Зноскі

1. ↑ Ужываецца таксама назва Пакрытанасенныя.
2. ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
3. 1 2 NCU-3e. Names in current use for extant plant genera. Electronic version 1.0. Entry for Aegopodium L.(англ.)  (Праверана 9 лістапада 2009)
4. ↑ Киселевский А. И. Латино-русско-белорусский ботанический словарь. — Минск: «Наука и техника», 1967. — С. 9. — 160 с. — 2 350 экз.
5. 1 2 3 4 БелЭн, 2002
6. ↑ Біялагічны энцыклапедычны слоўнік — Снітка (Праверана 9 лістапада 2009)
7. ↑ Aegopodium(англ.) . The Plant List. Version 1.1. (6 красавіка 2013). Праверана 4 верасня 2016.

Літаратура

• Скуратовіч А. М. Снітка, сныть // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — С. 70. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.

Спасылкі

• Сныть: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• http://www.dcnr.state.pa.us/forestry/invasivetutorial/Goutweed.htm
• http://www.homolaicus.com/scienza/erbario/utility/botanica_sistematica/hypertext/0035.htm#000000 Botanica Sistematica
• Lord, Tony, Flora: The Gardener’s Bible, Cassell (London),2003

Тэмы гэтай старонкі (7):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Меданосныя расліны
Катэгорыя·Вікіпедыя·Спасылкі на Беларускую энцыклапедыю з назвай артыкула
Катэгорыя·Вікіпедыя·Спасылкі на Беларускую энцыклапедыю з аўтарам
Катэгорыя·Расліны паводле алфавіта
Катэгорыя·Парасонавыя
Катэгорыя·Вікіпедыя·Спасылкі на Беларускую энцыклапедыю з нумарамі старонак