Саньцзя́н, Сунгарыйская раўніна[1] — нізіна ў паўночна-ўсходняй частцы Кітая, паміж ракой Амур і ніжнім цячэннем рэк Сунгары і Усуры.
Знаходзіцца ў тэктанічным прагіне, запоўненым алювіяльнымі адкладамі. Даўжыня раўніны складае каля 400 км, шырыня — 120—160 км. Вышыні каля 100 м. Маюцца горы вышынёй да 627 м. У час паводак значная тэрыторыя раўніны заліваецца вадой. Ландшафты складаюцца з балот, хвойных і шыракалістых лясоў. Маюцца ўчасткі лугавых стэпаў.