Су́нгары[1] (Сунхуацзян[1], кіт.: 松花江) — рака на паўночным усходзе Кітая, самы буйны прыток Амура па воднасці, ўпадае ў яго справа па цячэнні.
Даўжыня ракі 1927[2] км. Плошча вадазбору 524 000[2] км². Сярэдні расход вады каля горада Харбін складае 2470[2] м³/с. Сярэдні нахіл воднай паверхні 0,13[2] м/км.
Рака Сунгары бярэ пачатак на пласкагор’і Чанбайшань (зліццё рэк Таудаацзян і Эрдаацзян[2]) і працякае па тэрыторыі правінцый Гірын і Хэйлунцзян. На ёй знаходзяцца гарады Гірын, Харбін, Цзямусы. Сцёк ракі зарэгуляваны гідраэлектрастанцыямі. Самы вялікі прыток (левы) — рака Нуньцзян. Сярод прытокаў: Муданьцзян, Нуньцзян, Хуланьхэ, Іньмахэ, Хайфахэ, Лаліньхэ, Ашыхэ і інш.