Рок супраць камунізму (англ.: Rock Against Communism, RAC) — рух у рок-музычнай культуры, які паўстаў у Вялікабрытаніі і разглядаецца як жанр.[1][2] Гэты рух паўстаў як своеасаблівая рэакцыя на рух «Рок супраць расізму». Пад назвай «Рок супраць камунізму» ў 1980-х гадах было праведзена некалькі канцэртаў, арганізатарам якіх быў лідар гурту Skrewdriver Ян Сцюарт Дональдсан.
У музычных і тэкставых адносінах гэты рух ахоплівае шырокі стылістычны спектр ад класічнага року і патрыятычных рок-балад да агрэсіўнага НС блэк-металу.
Тэматыка песень некаторых паслядоўнікаў гэтага руху засяроджваецца не толькі на антыкамуністычнай тэматыцы, але і закранае тэмы нацызму, расізму і антысемітызму[3], таму некаторыя атаясамляюць RAC з неанацысцкімі рухамі.