«Камае́дзіца» (Kamaedzitca) — беларускі метал-гурт. Назву атрымаў у гонар язычніцкага свята пакланення мядзведзю.
Па стане на люты 2017 года, гурт выпусціў 6 студыйных альбомаў — «Дзеці Леса» (2004), «Пяруне» (2008), «Вернасць» (2011), «Чалавек планеты» (2011), «Безмолвные слова твои» (2012), «xQzTN 3087» (2014). Таксама гуртом Камаедзіца быў запісаны альбом «Триединство» разам з гуртом Коловрат (Расія) і Арья Варта (Украіна).
У музыцы гурта, акрамя паганскага металу, можна пачуць ноткі такіх стыляў, як мелодык дэз і дэз метал.[1]
Удзельнікі гурта лічаць сябе нацыянал-сацыялістамі, прытрымліваюцца антыхрысціянскіх пазіцыяў, падтрымліваюць ідэі трыадзінства (аб’яднання народаў Украіны, Расіі ды Беларусі, лічачы іх за адзін народ).