wd wp Пошук: ⬜

Расава

Расава́[1] (трансліт.: Rasava, руск.: Расова) — былая вёска ў Светлагорскім раёне Гомельскай вобласці. Уваходзіла ў склад Чыркавіцкага сельсавета.

Геаграфія

Размяшчэнне

За 3 км на захад ад Светлагорска, 4 км ад чыгуначнай станцыі Светлагорск-на-Бярэзіне (на лініі Жлобін — Калінкавічы), 113 км ад Гомеля.

Гідраграфія

На поўдні і ўсходзе меліярацыйныя каналы, рэчка Жардзянка злучае з ракой Бярэзінай (прыток ракі Дняпро).

Гісторыя

Згадваецца ў рэвізскіх казках 1795 года як вёска Парыцкай воласці Бабруйскага павета Мінскай губерні. Мела 13 хат. Паводле перапісу 1897 года — 115 жыхароў, 21 двор, працавала карчма.

У 1921 годзе адкрыта школа. У 1930 годзе арганізаваны калгас «3-ці вырашальны», працавала кавальня. У час Вялікай Айчыннай вайны ў 1943-44 гадах у баях за вёску і наваколлі загінулі 225 савецкіх салдатаў (пахаваны ў брацкай магіле на паўднёвай ускраіне).

14 лістапада 2018 года Светлагорскі раённы савет дэпутатаў прыняў рашэнне аб далучэнні вёскі Расава да горада Светлагорск[2].

30 снежня 2019 года скасавана[3].

У сакавіку 2020 года заасфальтавалі ўсю вуліцу Цэнтральную.

У верасні 2020 далучана да Светлагорска.

Транспартная сетка

Транспартныя сувязі па прасёлкавай, а затым аўтадарогах, якія адыходзяць ад Светлагорска. Планоўка складаецца з прасталінейнай вуліцы амаль мерыдыянальнай арыентацыі, да якой з захаду далучаецца кароткая прамалінейная вуліца, з усходу — завулак. Забудова двухбаковая, драўляная, сядзібнага тыпу.

Вёска мае аўтобуснае паведамленне з горадам праз прыгарадныя аўтобусныя маршруты, а так жа адзін гарадскі маршрут які рухаецца праз в. Мядкоў. Частка аўтобусаў прыпыняецца на трасе Р82 (без заезда ў вёску), астатнія з заездам, у якой маеца некалькі прыпынкаў.

Насельніцтва

• 1795 год — 13 хат.
• 1897 год — 21 двор, 115 жыхароў (паводле перапісу).
• 1917 год — 37 двароў 260 жыхароў (253 беларуса і 7 габрэяў).
• 1926 год — 50 двароў 269 жыхароў (усе беларусы).
• 1930 год — 55 двароў, 314 жыхароў.
• 1959 год — 272 жыхары (паводле перапісу).
• 2002 год — 70 жыхароў.
• 2004 год — 69 гаспадарак, 92 жыхара.
• 2016 год — 154 жыхары.

У вёсцы пераважала прозвішча Богдан[крыніца?].

Славутасці

• Гарадзішча перыяду ранняга жалезнага веку
• Брацкая магіла

Вядомыя выхадцы

• І. Н. Усціменка — кавалер 3-х Георгіеўскіх крыжоў.
• Сяргей Несцеравіч Прач (1919—1986) — беларускі краязнаўца, мовазнаўца.

Зноскі

1. ↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).. Сустракаецца таксама варыянт Ра́саў, м.
2. ↑ Изменение границ Светлогорска: Расова войдет в состав города
3. ↑ Решение Светлогорского районного Совета депутатов от 30 декабря 2019 г. № 122 Об упразднении сельских населенных пунктов Архівавана 12 лістапада 2021.

Спасылкі

• На Вікісховішчы ёсць медыяфайлы па тэме Расава

Тэмы гэтай старонкі (6):
Катэгорыя·Расава
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Былыя населеныя пункты Светлагорскага раёна
Катэгорыя·Населеныя пункты паводле алфавіта
Катэгорыя·Артыкулы са сцвярджэннямі без крыніц
Катэгорыя·Населеныя пункты Беларусі з насельніцтвам з Вікідадзеных