У Вікіпедыі ёсць артыкулы пра іншых асоб з прозвішчам Гайда.
Радала Гайда (чэшск.: Radola Gajda, сапраўднае імя Рудольф Гейдль, чэшск.: Rudolf Geidl; 14 лютага 1892, Котар, цяпер Чарнагорыя — 15 красавіка 1948, Прага) — чэхаславацкі военачальнік і палітычны дзеяч. Бацька — аўстрыйскі унтэр-афіцэр Ёган Гайдль, маці — збяднелая чарнагорская дваранка. У юнацтве сям’я перабралася ў чэшскі Кіёў, дзе Гайда вучыўся ў гімназіі. Вывучаў касметыку, пасля чаго працаваў фармацэўтам у аптэчнай краме.
1 кастрычніка 1910 года Гайда быў закліканы на сапраўдную вайсковую службу ў аўстра-венгерскае войска, служыў у Мостары ў горнастралковым палку. У 1913 годзе жаніўся з албанкай і пасяліўся ў горадзе Шкодэр. З пачаткам Першай сусветнай вайны быў мабілізаваны. У верасні 1915 года здаўся ў палон і самахоць перайшоў на службу ў чарнагорскую армію.