У Вікіпедыі ёсць артыкулы пра іншых асоб з прозвішчам Клот. Пётр Карлавіч Клот (руск.: Пётр Карлович Клодт, ням.: Peter Clodt von Jürgensburg; 24.5(5.6).1805, Санкт-Пецярбург — 8(20).11.1867) — расійскі скульптар і ліцейны майстар.
З 1829 года наведваў класы Імператарскай Акадэміі мастацтваў, дзе з 1838 года быў прафесарам і загадваў ліцейнай майстэрняй. Асноўныя творы: 4 групы утаймавальнікаў коней на Анічкавым мосце (бронза, 1830-я гады, устаноўлены ў 1849-50), помнік І. А. Крылову ў Летнім садзе (бронза, граніт, 1848-55) і Мікалаю I (бронза, 1856-59, сумесна са скульптарамі М. А. Рамазанавым і Р. К. Залеманам) у Санкт-Пецярбурзе; «Кані на вадапоі» (бронза, Рускі музей, Санкт-Пецярбург); мадэлі для каслінскага ліцця.