Прало́мнік[3] (Androsace) — род кветкавых раслін сямейства Першакветныя (Primulaceae).
Аднагадовыя і шматгадовыя нізкарослыя травяністыя расліны, часам паўкусты. Утвараюць падушкападобныя дзярніны. Часам ксерафіты. Лісце ў прыкаранёвай разетцы, лінейнае, ланцэтнае, авальнае, эліптычнае[4]. Кветкі дробныя, сабраныя ў парасонападобныя суквецці, зрэдку адзіночныя. Колер кветак белы, светла-жоўты, ружовы, ружова-пурпуровы[4]. Плод — каробачка.
Налічвае каля 100 відаў (170 відаў[5]), пашыраных на тэрыторыі Еўразіі (на Каўказе, ў Сярэдняй Азіі, Кітаі, Заходняй Еўропе[4]) і Паўночнай Амерыкі.
Лекавыя і дэкаратыўныя расліны.