По́прад (славацк.: Poprad, ням.: Deutschendorf, венг.: Poprád) —горад у паўночнай Славакіі, размешчаны ля падножжа Высокіх Татраў пры рацэ Попрад. Насельніцтва каля 55 тыс. чалавек. Пры Попрадзе размешчаны важны славацкі аэрапорт Попрад-Татры, які з’яўляецца самым высакагорным у Еўропе.
Упершыню Попрад быў згаданы ў 1256 годзе, насельніцтва было ў асноўным нямецкім. У 1312—1772 Попрад у шэрагу з іншымі гарадамі быў адданы ў якасці задатку за каралеўскую пазыку Польшчы.
У 1871 тут была пракладзена чыгунка. У 1927 насельніцтва Попрада пераўзвысіла насельніцтва Спішскай вобласці, і раённы цэнтр быў перанесены сюды.