wd wp Пошук: ⬜

Пазыка

Пазыка — перадача грашовых сродкаў і рэчыўных каштоўнасцей адным удзельнікам дагавору другому з умовай вяртання і выплаты працэнтаў.

Віды

Від пазыкі залежыць ад тыпу дагавору, складу ўдзельнікаў пазыковага дагавору, памеру і крыніцы выплаты працэнтаў.

• Банкаўская. Пазыкадаўцамі ёсць пазыковыя ўстановы (банкі), пазычальнікамі — юрыдычныя і фізічныя асобы.
• Дзяржаўная (каштарысная). Удзельнікамі пазыковага дагавору могуць выступаць з боку пазычальніка і пазыкадаўцы агульнакраёвыя і мясцовыя каштарысы ад імя дзяржавы.
• Камерцыйная. Дзейнікі гаспадарання даюць пазыковыя сродкі і таварна-рэчыўныя каштоўнасці адзін аднаму.
• Спажывецкая. Пазычальнікам з’яўляецца насельніцтва.

Таксама пазыкі падзяляюцца паводле:

• мэтавага прызначэння — арганізаваная і неарганізаваная;
• спосабу выдачы пазычаных сродкаў — наўпроставая і ўскосная;
• тэрмінаў пагашэння — тэрміновая, кароткатэрміновая, доўгатэрміновая, адтэрмінаваная і пратэрмінаваная;
• месца ажыццяўлення — унутраная і знешняя.

Дзейнікамі знешніх (міжнародных) пазыкаў выступаюць дзяржавы, банкі, міжнародныя валютна-пазыковыя і фінансавыя ўстановы, юрыдычныя асобы[1].

Зноскі

1. ↑ Алена Кірэева. Пазыка // Беларуская энцыклапедыя ў 18 тамах / Генадзь Пашкоў. — Мінск: Беларуская энцыклапедыя імя Петруся Броўкі, 2000. — Т. 11. — С. 520. — 560 с. — 10 000 экз. — ISBN 985-11-0188-5.

Спасылкі

• Наталля Ільіна Пазыка пазыцы не роўная(нявызн.). Настаўніцкая газета. Праверана 13 студзеня 2017.

Тэмы гэтай старонкі (5):
Катэгорыя·Крэдыт
Катэгорыя·Грамадзянска-прававыя дагаворы
Катэгорыя·Старонкі з няправільным сінтаксісам спасылак на крыніцы
Катэгорыя·Старонкі з нелікавымі аргументамі formatnum
Катэгорыя·Фінансы