Оламаўцкі край (чэшск.: Olomoucký kraj) — адміністрацыйная адзінка Чэшскай рэспублікі. Месціцца на тэрыторыі гістарычнай вобласці Маравія, часткова Сілезіі. На поўначы край мяжуе з Польшчай (працягласць мяжы складае 104 км), на ўсходзе — з Мараўскасілезскім краем, на паўднёвым усходзе — з Злінскім краем, на поўдні — з Паўднёвамараўскім краем і на захадзе — з Пардубіцкім краем. Адміністрацыйным цэнтрам з’яўляецца горад Оламаўц. У краі налічваецца 5 адміністрацыйных раёнаў і 26 гарадоў.