О́ламаўц (чэшск.: Olomouc, ням.: Olmütz, лац.: Eburum альбо Olomucium) — горад у Чэхіі, цэнтр Оламаўцкага края.
Оламаўц знаходзіцца ва ўсходняй частцы Чэхіі, у цэнтры гістарычнага рэгіёна Маравія на абодвух берагах ракі Моравы. У горадзе жыве каля ста тысяч жыхароў, шчыльнасць насельніцтва складае 993 жыхара на км². Акрамя таго ў Оламаўцы жыве больш за дзесяць тысяч студэнтаў Універсітэта Палацкага і іншых навучальных устаноў.
Оламаўц заснаваны ў 1253 годзе. У свой час ён быў сталіцай Мараўскай дзяржавы.