Но́валуко́мль[2] (афіц. транс.: Novalukomĺ) — горад раённага падпарадкавання ў Чашніцкім раёне Віцебскай вобласці Беларусі, на беразе Лукомскага возера. За 23 км ад Чашнікаў, за 20 км ад пасажырскай чыгуначнай станцыі Чашнікі. Насельніцтва 13 072 чал. (2017)[3].
Заснаваны непадалёк ад вёскі Лукомль у сувязі з будаўніцтвам Лукомскай ДРЭС (пачалося ў 1964 годзе) як пасёлак ДРЭС на месцы рабочага пасёлка Піянерны[4] ў Бешанковіцкім раёне. З 1965 г. у Чашніцкім раёне. 31 снежня 1965 года пасёлку прысвоена назва Новалукомль, пасёлак перададзены ў адміністрацыйнае падпарадкаванне Чашніцкаму раённаму Савету дэпутатаў[5]. З 31 ліпеня 1970 года — горад[6].
Лукомская ДРЭС. Прадпрыемствы па вытворчасці будаўнічых матэрыялаў, харчовай прамысловасці (ААТ «ЭТОН», ААТ «Новалукомскі завод керамзітнага гравія», ААТ «Лукомльэнергамантаж», ААТ «Эласт»). Гасцініца «Лукомль». Санаторый-прафілакторый «Сасновы бор».
Таварная чыгуначная станцыя ў горадзе, бліжэйшая пасажырская станцыя — Чашнікі на лініі Орша-Цэнтральная—Лепель (за 20 км). Мае аўтобусную сувязь з Мінскам і Віцебскам.
На Вікісховішчы ёсць медыяфайлы па тэме Новалукомль
Геаграфічныя звесткі па тэме Новалукомль на OpenStreetMap
(руск.) Здымкі на Globustut.by
(руск.) http://novolukoml.com — Неафіцыйная старонка горада