Нан-Мадол
Нан-Мадол (англ.: Nan Madol) — мегалітычны помнік сусветнай спадчыны ў Федэратыўных Штатах Мікранезіі ў 2,42 км ад вострава Панпеі. Агульная плошча — 76,7 га.
Нан-Мадол уяўляе 92 штучныя астраўкі[1] каля заходняга берага каралавага вострава Тэмвен. На некаторых астраўках захаваліся рэшткі муроў, магільняў і іншых збудаванняў. Штучны архіпелаг і збудаванні на ім узведзены з буйных слупападобных базальтавых камянёў. Найстаражытнейшыя пабудовы датуюцца 1180 - 1200 гг. н. э.[2]
Мяркуецца, што Нан-Мадол з’яўляўся рэлігійным і палітычным цэнтрам дынастыі Сау-Дэлеураў (літаральна “валадароў вострава”), якая кіравала Панпеі ў XII - XVI стст. Згодна вуснай традыцыі, ён быў прысвечаны мясцоваму бажаству Nahnisohn Sapw[3]. У гэты перыяд насельніцтва Панпеі магло дасягаць 25 000 чалавек. Яно было знаёма з керамікай[4]. У пачатку XVII ст. дынастыя Сау-Дэлераў была зрынута іншаземным правадыром Ісакелекелам. Нан-Мадол быў пакінуты каля 1700 г.[5]
У наш час з’яўляецца важнай турыстычнай славутасцю Мікранезіі. У 2016 г. быў абвешчаны аб’ектам сусветнай спадчыны ЮНЕСКА.
Зноскі
- ↑ Course Focuses on Spectacular Nan Madol Site
- ↑ Pacific islanders invented new kind of society at Nan Madol Архівавана 25 лістапада 2017.
- ↑ Nan Madol, Pohnpei Island, Federated States of Micronesia
- ↑ W. Ayree, Archaeology at Nan Madol, Ponape
- ↑ FSM’s Featured Properties for Celebrate Asian-Pacific Heritage Month
Спасылкі
Nan Madol даведнік на сайце Wikivoyage
- Нан-Мадол на сайце ЮНЕСКА
- Нан-Мадол, горад на каралавых рыфах
- Археалогія Нан-Мадола
- Загадкавы Нан-Мадол
Катэгорыя·Федэратыўныя Штаты Мікранезіі
Катэгорыя·Сусветная спадчына паводле алфавіта
Катэгорыя·Археалогія ў Акіяніі