wd wp Пошук:
    ⬜

    Мінскі трактарны завод

    У гэтага паняцця ёсць і іншыя значэнні, гл. Трактарны завод.

    Мінскі трактарны завод

    ААТ «Мі́нскі тра́ктарны заво́д» (ААТ «МТЗ») — беларускі трактарны завод, уваходзіць у дзесятку найбуйнейшых вытворцаў сельскагаспадарчай тэхнікі ў свеце (8-10 % сусветнага рынку колавых трактароў)[2].

    Гісторыя

    Завод быў заснаваны 29 мая 1946 года. Будаўніцтва трактарнага завода пачата ў 1946 г. Першая прадукцыя (пускавы рухавік ПД-10) атрымала ў 1948 г. Першы колавы трактар «Беларусь» МТЗ-2 сышоў з канвеера 14 кастрычніка 1953 г. 3 1963 г. выпускаўся трактар МТЗ-50. У 1974 г. асвоена серыйная вытворчасць трактара МТЗ-80 (з’яўляецца базавай мадэллю ўніфікаваных трактароў рознага прызначэння). У 1986 г. пачата вытворчасць трактара МТЗ-102. У 1976 г. заводу прысвоена імя У. І. Леніна. У 1973 г. завод стаў галаўным прадпрыемствам вытворчага аб’яднання «Мінскі трактарны завод імя У. I. Леніна»[3].

    У 1971 г. у гонар 25-годдзя завода на п’едэстале каля цэнтральнай прахадной трактарнага завода ўстаноўлены першы трактар «Беларусь» МТЗ-102[3].

    У 1980 г. у гонар 40-годдзя завода на п’едэстале каля цэнтральнай прахадной трактарнага завода ўстаноўлены трактар «Беларусь» МТЗ-102[3].

    У савецкія часы пры заводзе дзейнічалі навукова-даследчы цэнтр, філіял Інстытута павышэння кваліфікацыі кіраўнікоў і спецыялістаў Міністэрства трактарнага і сельскагаспадарчага машынабудавання СССР, машынабудаўнічы тэхнікум, тэхнічнае вучылішча металістаў[3].

    За сваю гісторыю завод зрабіў больш як 3 млн трактароў. У 2016 на ім працавалі больш за 17 тысяч чалавек.

    У 2020 годзе МТЗ стаў адзін з цэнтраў усебеларускіх стачак, якія былі выкліканы пасля фальсіфікацыі выбараў і гвалту праваахоўных органаў супраць пратэстоўцаў.

    Дырэктары

    Узнагароды

    Завод узнагароджаны ордэнам Леніна (1966 г.) і ордэнам Кастрычніцкай Рэвалюцыі (1977 г.)[3].

    Трактары «Беларусь» былі адзначаны на міжнародных выстаўках і кірмашах: у Бруселі (1958 г., «Грап-пры» трактару ТДТ-60), Будапешце (1964 г., бронзавы медаль трактару МТЗ-50; 1970 г., сярэбраны медаль трактару МТЗ-52 «Супер»; залатыя медалі трактарам МТЗ-80/82 у 1973 г., МТЗ-80 у 1975 г.), Лейпцыгу (залатыя медалі трактарам МТЗ-52 у 1966 г., МТЗ-82 у 1974 г.), Маскве (1966 г. залаты медаль трактару МТЗ-52), Плоўдзіве (1968 г., залаты медаль трактару МТЗ-52). Маркклебергу (1972 г., 1973 г., залатыя медалі трактарам МТЗ-52Н, МТЗ-80; 1974 г., МТЗ-80). Экспартаваліся ў 78 краін, у т. л. у краіны — члсны СЭУ, ЗША, Вялікабрытанію, Францыю, Канаду[3].

    Прадукцыя

    Трактар «Беларус-1522»

    ААТ «Мінскі трактарны завод» распрацоўвае і вырабляе колавыя трактары, запасныя часткі, арганізуе на ліцэнзійнай аснове іх вытворчасць (Елабугскі аўтамабільны завод, АТАТ «САРЭКС»), аказвае сервіснае абслугоўванне. Большасць мадэляў трактароў абсталяваныя дызельнымі рухавікамі вытворчасці Мінскага маторнага завода. Больш як палова прадукцыі МТЗ экспартуецца прыкладна ў 60 краін свету.

    У 2020 годзе 5 мадэляў трактараў МТЗ (BELARUS-952.7, 923.7, 1025.7, 1220.7 и 1221.7 з рухавікамі Caterpillar) прайшлі сертыфікацыйныя выпрабаванні для выхаду на рынак Еўрапейскага саюза.

    Склад «МТЗ-ХОЛДЫНГ»

    З 1 жніўня 2014 зарэгістраваны холдынг, у які акрамя самога МТЗ, уваходзяць:

    Гл. таксама

    Зноскі

    1. ↑ http://www.minfin.gov.by/ru/securities_department/results/results_oao/
    2. ↑ Інфармацыя пра МТЗ на афіцыйным партале
    3. 1 2 3 4 5 6 Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.
    4. ↑ Лукашэнка разгледзеў кадравыя пытанні 11.06.2019. Архівавана 12 чэрвеня 2019. // БелТА

    Спасылкі

    Тэмы гэтай старонкі (12):
    Кампаніі, заснаваныя ў 1946 годзе
    Вікіпедыя:Артыкулы з пераазначэннем значэння з Вікідадзеных
    Кампаніі паводле алфавіта
    Машынабудаўнічыя кампаніі Беларусі
    Трактарабудаўнічыя прадпрыемствы
    Вікіпедыя:Артыкулы з крыніцамі з Вікідадзеных
    Мінскі трактарны завод
    Вікіпедыя:Кампаніі без геаграфічных каардынат
    Іншыя значэнні: старонка не існуе
    Трактарабудаўнічыя кампаніі
    Прадпрыемствы Мінска
    1946 год у Мінску