wd wp Пошук:
    ⬜

    Мацей Бутрымовіч

    .mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}

    Мацей Якубавіч Бутрымовіч (польск.: Mateusz Butrymowicz,; 1745 — 1814) — падстароста і мечнік Пінскага павета, удзельнік Чатырохгадовага Сойма.

    Біяграфія

    Прадстаўнік роду Бутрымовічаў герба «Тапор», сын Якуба і Настассі. Вучыўся ў Пінскім езуіцкім калегіуме. Прыхільнік партыі гетмана Міхаіла Казіміра Агінскага.

    З 1776 года паручнік пяцігорскіх войскаў ВКЛ. У 1778 намінаваны канюшым Пінскага павета. З 1780 — мечнік Пінскага павета, з 1783 — суддзя гродскі, а ў 1785 — падстароста пінскі.

    У 1778 — разам з гетманам Агінскім з уласнай ініцыятывы распачаў будаўніцтва трактаў з Пінска ў кірунку Слоніма і Валыні[1].

    У 1781 і 1786 быў дэпутатам Літоўскага трыбунала.

    У сваім маёнтку Крыстынаў стварыў узорную гаспадарку, размясціўшы яе на асушаных балотах. Клапаціўся аб сваіх сялянах. Заснаваў школу для дзяцей рамеснікаў і сялян.

    У самім Пінску Бутрымовіч пабудаваў палац у стылі класіцызму.

    У 1784 скончыў будаўніцтва мухавецкага і целяханаўскага водных каналаў.

    У 1788 — быў выбраны паслом на Вялікі Сойм у Варшаве. Уваходзіў у камісію па экзамінаванні скарбу ВКЛ, дэпутацыю экзамінавання справы аб абвінавачаных у бунтах. Выступаў за стварэнне ў Рэчы Паспалітай аўтаномнай праваслаўнай улады. Унёс на Сойм прапановы па паляпшэнні стану яўрэяў у Рэчы Паспалітай, пасля чаго стаў членам дэпутацыі па пытаннях яўрэяў[2]. Выступаў за перадачу адукацыі ў краіне ад Адукацыйнай камісіі да манаскіх ордэнаў. Прыхільнік Канстытуцыі 3 мая. Быў сябрам Згуртавання прыхільнікаў урадавай канстытуцыі[3].

    Пасля 1792 звестак пра Бутрымовіча амаль няма. Вядома, што жыў на Піншчыне. Памёр у 1810 ці 1814 г.

    Сям’я

    Жонка Крыстына Лях-Шырма

    Быў жанаты двойчы. З першай жонкай, Крыстынай Лях-Шырмай (Krystyna Lach-Szyrma), была дачка Юзэфа, якая стала жонкай Міхаіла Орды. Сынам пары, унук Мацея Бутрымовіча, быў Напалеон Орда.

    Таксама меў двух сыноў: Рычарда і Ксаверы.

    Узнагароды

    За заслугі ў наладжванні транспартных камунікацый быў узнагароджаны ордэнамі Белага Арла і Святога Станіслава.

    Памяць

    Імя Мацея Бутрымовіча насіла ў міжваенны час адна з пачатковых школ у Любліне (ток Пачатковая школа № 24 імя Люблінскіх партызан(польск.) бел.).

    Зноскі

    1. ↑ Andrzej Krajewski, Polskie drogi, serwis Motofakty.pl
    2. ↑ http://belisrael.info/?p=10126
    3. ↑ Adam Skałkowski, Towarzystwo przyjaciół konstytucji 3 maja, Kórnik, 1930, s. 68.

    Літаратура

    Спасылкі

    Тэмы гэтай старонкі (18):
    Катэгорыя·Мечнікі пінскія
    Катэгорыя·Суддзі гродскія пінскія
    Катэгорыя·Нарадзіліся ў 1745 годзе
    Катэгорыя·Вікіпедыя·Запыты на пераклад з рускай
    Катэгорыя·Бутрымовічы
    Катэгорыя·Вікіпедыя·Запыты на пераклад з польскай
    Катэгорыя·Дэпутаты Трыбунала Вялікага Княства Літоўскага
    Катэгорыя·Канюшыя пінскія
    Катэгорыя·Кавалеры ордэна Святога Станіслава (Польшча)
    Катэгорыя·Члены Згуртавання прыяцеляў Уставы аб кіраванні 3 мая
    Катэгорыя·Падстаросты пінскія
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Памерлі ў 1814 годзе
    Катэгорыя·Дзяржаўныя дзеячы Вялікага Княства Літоўскага
    Катэгорыя·Выпускнікі Пінскага езуіцкага калегіума
    Катэгорыя·Кавалеры ордэна Белага арла (Рэч Паспалітая)
    Катэгорыя·Асобы
    Катэгорыя·Вікіпедыя·Артыкулы пра дзяржаўных дзеячаў без ілюстрацый на Вікісховішчы