wd wp Пошук: ⬜

Мацвеевічы

Мацве́евічы[1] (трансліт.: Macviejevičy, руск.: Матвеевичи) — вёска ў Бярозаўскім раёне Брэсцкай вобласці. Уваходзіць у склад Міжлескага сельсавета. Размешчана за 14 км ад Бярозы, за 20 км ад чыгуначнай станцыі Бяроза-Картузская.

Гісторыя

У канцы XIX ст. — Вялікія Мацвеевічы ў Мацвеевіцкай воласці Пружанскага павета Гродзенскай губерні. У 1890 годзе сяло, у якім царкве належала 41 дзес. зямлі, і маёнткі Вялікія і Малыя Мацвеевічы ва ўладанні Мар’і Казакевіч. Памешчыцы належала 2311 дзес. зямлі.

З 1915 года акупіраваны германскімі войскамі, з 1919 года да ліпеня 1920 года і з жніўня 1920 года — войскамі Польшчы (у ліпені—жніўні 1920 года ўстаноўлена савецкая ўлада.

З 1921 года ў складзе Польшчы. У 1924 годзе вёска — цэнтр Мацвеевіцкай гміны Пружанскага павета Палескага ваяводства, 22 будынкі, у в. Малыя Мацвеевічы 14 будынкаў. 5 студзеня 1926 года Мацвеевіцкая гміна перайменавана ў Міжлескую (цэнтр гміны перанесены ў Міжлессе).

З 1939 года ў БССР. З 1940 года вёска ў Міжлескім сельсавеце. Малыя Мацвеевічы знаходзіліся ў Машковіцкім сельсавеце.

У 1941—1944 гг. акупіраваны нямецка-фашысцкімі захопнікамі.

З 1954 года в. Малыя Мацвеевічы ў Міжлескім сельсавеце. У кастрычніка 1949 года ў в. Вялікія Мацвеевічы быў арганізаваны калгас імя Будзённага, які ў лютым 1950 года ўвайшоў у склад калгаса «Чырвоны сцяг» (цэнтр — в. Міжлессе).

Рашэннем аблвыканкама ад 4 верасня 1972 года в. Малыя Мацвеевічы, якая фактычна злілася з в. Вялікія Мацвеевічы, выключана з рэестра[2].

Насельніцтва

• XX стагоддзе:
  • 1924 — у Вялікіх Мацвеевічах — 123 жыхары, у Малых Мацвеевічах — 90 жыхароў.
  • 1939 — у Вялікіх Мацвеевічах — 22 двары, 147 жыхароў.
  • 1940 — у Малых Мацвеевічах — 24 двары, 99 жыхароў.
  • 1970 — у Вялікіх Мацвеевічах — 66 жыхароў, у Малых Мацвеевічах — 60 жыхароў.
• XXI стагоддзе:
  • 2005 — 16 двароў, 22 жыхары.

Славутасці

• Свята-Крыжаўзвіжанская царква (1943)

Вядомыя асобы

• Ганна Мікалаеўна Бурава (нар. 1951) — беларускі палітык.

Зноскі

1. ↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU). Сустракаецца таксама варыянт Маце́евічы
2. ↑ Рашэнне выканаўчага камітэта Брэсцкага абласнога Савета дэпутатаў працоўных ад 4 верасня 1972 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1972, № 27 (1365).

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх

Тэмы гэтай старонкі (7):
Артыкулы пра населеныя пункты без катэгорыі на Вікісховішчы
Міжлескі сельсавет
Артыкулы пра населеныя пункты Беларусі, створаныя аўтаматычна
Населеныя пункты паводле алфавіта
Мацвеевічы
Населеныя пункты Беларусі з насельніцтвам з Вікідадзеных
Населеныя пункты Бярозаўскага раёна