Міжле́скі сельсавет — адміністрацыйна-тэрытарыяльная адзінка ў складзе Бярозаўскага раёна Брэсцкай вобласці. Цэнтр — аграгарадок (да 2008 г. вёска) Міжлессе.
Утвораны 12 кастрычніка 1940 года ў складзе Бярозаўскага раёна Брэсцкай вобласці БССР. Цэнтр — вёска Вялікае Міжлессе. 16 ліпеня 1954 года да сельсавета далучана тэрыторыя скасаванага Машковіцкага сельсавета[1]. 8 сакавіка 1960 года ў склад Углянскага сельсавета перададзены вёскі Дзягелец, Машковічы, Шылін і Шылінок[2]. 4 верасня 1972 года вёска Малое Міжлессе далучана да вёскі Вялікае Міжлессе, вёска перайменавана ў Міжлессе, таксама скасаваны вёскі Малыя Мацвеевічы (зліліся з вёскай Вялікія Мацвеевічы) і Чарнечына (злілася з вёскай Міхалінак)[3].
Насельніцтва сельсавета паводле перапісу 2009 года — 1140 чалавек[4], з іх 95,0 % — беларусы, 3,2 % — рускія[5].