wd wp Пошук: ⬜

Мардоўнік

У гэтага паняцця ёсць і іншыя значэнні, гл. Мардоўнік (значэнні). Мардо́ўнік[4][5] (Echínops) — род кветкавых раслін сямейства астравыя, або складанакветныя (Asteraceae).

Батанічнае апісанне

Шматгадовыя, радзей аднагадовыя і двугадовыя, калючыя травяністыя расліны са стрыжнёвым коранем. Сцябло прамое, простае або галінастае ў верхняй частцы, часта апушанае. Лісце чаргаванае па даўжыні сцябла, простае. Кветкі трубчастыя, у шматлікіх адзіночных кошыках, утвараючых шарападобныя або падоўжаныя галоўчатыя суквецці з агульнай абгорткай. Абгорткі асобных кошыкаў складаюцца з 12—25 лісцікаў. Плод — сямянка з чубком.

Распаўсюджанне і экалогія

Распаўсюджаны ад Іберыйскага паўвострава па Паўднёвай Еўропе да Японіі. Паўднёвая мяжа арэала праходзіць па Паўночнай Афрыцы, Малой Азіі, Ірану і Афганістану.

Расце, як правіла, па схілах узгоркаў, у стэпах, па берагах рэк на лугах, на ўзлесках сярод хмызнякоў, на пустках і ў ярах. На тэрыторыі Беларусі 1 від — Мардоўнік круглагаловы.

Віды

Род складае каля 190 відаў[6] (каля 150 відаў[7]).

Некаторыя віды:

Echinops albicaulis Kar. & Kir.
Echinops bannaticus Rochel ex Schrad. — Мардоўнік банатыкус [7]
Echinops cornigebel DC.
Echinops echinatus Roxb.
Echinops exaltatus Schrad. — Мардоўнік узвышаны [7]
Echinops karatavicus Regel & Schmalh.
Echinops latifolius Tausch — Мардоўнік шыракалісты [7]
Echinops niveus Wall. ex DC.
Echinops ritro L.
- Echinops ritro subsp. ruthenicus (M.Bieb.) Nyman [syn. Echinops ruthenicus M.Bieb.]
Echinops setifer Iljin
Echinops sphaerocephalus L. typus — Мардоўнік круглагаловы, ці Дзед, ці Мардоўнік шарагаловы
Echinops spinosissimus Turra
Echinops strigosus L.

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
↑ NCU-3e. Names in current use for extant plant genera. Electronic version 1.0. Entry for Echinops L. (англ.) (Праверана 9 чэрвеня 2010)
↑ Напісанне Мардоўнік у адпаведнасці з БЭ ў 18 тамах., Т. 10. Мн., 2000, С. 112.
↑ Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 47. — 160 с. — 2 350 экз.
↑ The Plant List: Echinops
1 2 3 4 Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1984. — 588 с., іл. — 10 000 экз.

Літаратура

Кухарава Л. В. Мардоўнік // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1984. — 588 с., іл. — 10 000 экз. — С. 299.

Спасылкі

Мордовник — род Echinops: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)