Маладзечанскі дзяржаўны музычны каледж імя М. К. Агінскага
Маладзечанскі дзяржаўны музычны каледж імя М. К. Агінскага — сярэдняя спецыяльная навучальная ўстанова ў г. Маладзечна Мінскай вобласці Беларусі. Размешчаны па адрасе вул. Вялікі Гасцінец, 52.
Гісторыя
Маладзечанскае музычнае вучылішча заснавана ў 1958 годзе. Размешчана ў будынку, у якім жыў Міхал Клеафас Агінскі (у гады жыцця М.К. Агінскага на дадзеным месцы было поле, якое існавала на дадзеным месцы да пачатку генеральнай забудовы Маладзечна пасля Другой сусветнай вайны). У 1993 г. вучылішчу прысвоена яго імя. З 1 верасня 2011 г. вучылішча было пераназвана ў УА «Маладзечанскі дзяржаўны музычны каледж ім. М. К. Агінскага».
На будынку вучылішча ўстаноўлена мемарыяльная дошка Агінскаму (скульптар В. Янушкевіч).
Дзейнасць
Рыхтуе музыкантаў-інструменталістаў, спевакоў, дырыжораў, музыказнаўцаў, выкладчыкаў дзіцячых музычных школ. Працуюць аддзяленні: фартэпіяна; баяна і акардэона; духавых і ўдарных інструментаў; народных струнных; струнных смычковых інструментаў; спеваў; харавога дырыжыравання; тэорыі музыкі; дэкаратыўна-прыкладнога мастацтва (з 1995).
Пры вучылішчы працуе дзіцячая музычная школа. Сярод творчых калектываў: Маладзечанскі гарадскі сімфанічны аркестр, народныя аркестры рускіх народных і духавых інструментаў (у 1975—1996 дзейнічаў таксама народны камерны аркестр народных інструментаў); жаночы хор і хор студэнтаў тэарэтычнага аддзялення; вакальны ансамбль «Аніма», камерныя ансамблі.
Вядомыя асобы
У розны час у вучылішчы выкладалі: Л. Гуцін, Я. Дзягцярык, В. Іваноў, М. Казінец, В. Карэтнікаў, Т. Мдывані, Л. Свердэль, Ф. Севасцьянаў, І. Хадоска, Г. Цэпава; яго ўзначальвалі Р. Грышаеў, І. Сушкевіч, Л. Школьнікаў, А. Шунтаў, Ю. Шпадарук, Э. Кірыленка, Р. Сарока (з 1980 дырэктар). Сярод выпускнікоў: Ю. Антонаў, А. Елісеенкаў, А. Кашапараў, Л. Колас, Л. Нікольскі, Т. Раеўская, А. Ціхановіч і інш.
Літаратура
- Маладзечанскае музычнае вучылішча. Маладзечна, 1996.
- Маладзечанскае музычнае вучылішча імя М. К. Агінскага // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 9: Кулібін — Малаіта. — 560 с. — 10 000 экз. — ISBN 985-11-0155-9 (т. 9), ISBN 985-11-0035-8.
Вікіпедыя:Спасылкі на Беларускую энцыклапедыю без нумароў старонак
Каледжы Маладзечна
Вікіпедыя:Артыкулы з пераазначэннем значэння з Вікідадзеных
Вікіпедыя:Спасылкі на Беларускую энцыклапедыю з назвай артыкула
Навучальныя ўстановы, заснаваныя ў 1958 годзе
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Каледжы паводле алфавіта
Вікіпедыя:Спасылкі на Беларускую энцыклапедыю без аўтара
1958 год у Беларусі
Маладзечанскі дзяржаўны музычны каледж імя М. К. Агінскага