Маладзечанская епархія — епархія Беларускага экзархата Рускай праваслаўнай царквы, якая аб’ядноўвае прыходы на тэрыторыі Вілейскага, Валожынскага, Дзяржынскага, Маладзечанскага, Мядзельскага, Стаўбцоўскага і Уздзенскага раёнаў Мінскай вобласці. Уваходзіць у склад Мінскай мітраполіі[1].
На паседжанні 22 верасня 2014 года Сінод Беларускага экзархата пастанавіў прасіць Патрыярха і Свяшчэнны Сінод утварыць новыя епархіі ў межах Мінскай вобласці, у тым ліку Маладзечанскую[2].
23 кастрычніка 2014 года рашэннем Свяшчэннага Сінода Рускай праваслаўнай царквы была ўтворана самастойная Маладзечанская епархія[3].