У Вікіпедыі ёсць артыкулы пра іншых асоб з прозвішчам Вольф.
Макс Вольф (ням.: Max Wolf; 21 чэрвеня 1863, Гайдэльберг — 3 кастрычніка 1932, Гайдэльберг) — нямецкі астрафізік. Прафесар Гайдэльбергскага ўніверсітэта (1893) і дырэктар Гайдэльбергскай абсерваторыі (1909). У 1891 ужыў фатаграфаванне для знаходжання малых планет; адкрыў больш за 200 малых планет, а таксама шмат туманнасцей. У 1905 ужыў фатаграфічны спосаб для выяўлення зорак, якія валодаюць прыкметнымі ўласнымі рухамі, распрацаваў спосаб вымярэння гэтых рухаў.