wd wp Пошук: ⬜

Ліпеньскі сельсавет

Лі́пеньскі сельсавет — адміністрацыйна-тэрытарыяльная адзінка ў складзе Асіповіцкага раёна Магілёўскай вобласці Беларусі. Адміністрацыйны цэнтр — аграгарадок (да 2010 г. вёска) Ліпень.

Геаграфія

Ліпеньскі сельсавет знаходзіцца ў цэнтральнай частцы Асіповіцкага раёна.

Гісторыя

Утвораны ў 1927 годзе ў складзе Свіслацкага раёна Бабруйскай акругі БССР. Пасля скасавання акруговай сістэмы 26 ліпеня 1930 года ў Свіслацкім раёне БССР. З 8 ліпеня 1931 года ў складзе Асіповіцкага раёна БССР. Пасля ўвядзення абласнога падзелу 20 лютага 1938 года ў Асіповіцкім раёне Магілёўскай вобласці, з 20 верасня 1944 года — Бабруйскай вобласці, з 8 студзеня 1954 года — Магілёўскай вобласці. З 25 снежня 1962 года сельсавет у складзе Бабруйскага раёна, з 6 студзеня 1965 года — у складзе адноўленага Асіповіцкага раёна.

Насельніцтва

Паводле перапісу 2009 года насельніцтва сельсавета — 1458 чалавек[1], з іх 90,6 % — беларусы, 7,5 % — рускія, 0,5 % — украінцы[2].

Вядомыя асобы

• Мікалай Васільевіч Максіменка (нар. 1942) — беларускі фізік-тэарэтык, доктар фізіка-матэматычных навук, прафесар;
• Алег Георгіевіч Слука (нар. 1941) — доктар гістарычных навук, прафесар, лаўрэат прэміі Ленінскага камсамола і Саюза журналістаў Рэспублікі Беларусь, узнагароджаны граматай Вярхоўнага Савета БССР;
• Іван Майсеевіч Стальмашонак (1902—1976) — беларускі вучоны ў галіне хірургіі, кандыдат медыцынскіх навук, дацэнт. Узнагароджаны двума ордэнамі Працоўнага Чырвонага Сцяга, ордэнамі «Знак Пашаны», Чырвонай Зоркі, медалямі;
• Ілля Майсеевіч Стальмашонак (1918—1998) — кандыдат тэхнічных навук, ганаровы грамадзянін г. Горкі Магілёўскай вобласці. У 1954—1973 гг. працаваў дэканам землеўпарадкавальнага факультэта, загадчыкам кафедры Беларускай сельскагаспадарчай акадэміі;
• Уладзімір Іванавіч Стальмашонак (1928—2013) — народны мастак Беларусі, заслужаны дзеяч мастацтваў Беларусі, ганаровы грамадзянін Асіповіцкага раёна. Узнагароджаны Ганаровымі граматамі Вярхоўных Саветаў Беларусі і Расіі, ордэнам «Знак Пашаны», медалямі.

Зноскі

1. ↑ Насельніцтва населеных пунктаў Магілёўскай вобласці паводле перапісу 2009 года (руск.)
2. ↑ Этнічны склад насельніцтва сельсаветаў Беларусі паводле перапісу 2009 года (руск.)

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012.

Спасылкі

• Ліпеньскі сельсавет у картатэцы Фондавага каталога дзяржаўных архіваў Рэспублікі Беларусь

Тэмы гэтай старонкі (6):
Катэгорыя·Былыя сельсаветы Свіслацкага раёна (Бабруйская акруга)
Катэгорыя·Ліпеньскі сельсавет
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Адміністрацыйныя адзінкі без геаграфічных каардынат
Катэгорыя·Былыя сельсаветы Бабруйскага раёна
Катэгорыя·Сельсаветы Беларусі, утвораныя ў 1927 годзе