Лю́бкі[1] (трансліт.: Liubki, руск.: Любки) — вёска ў Вілейскім раёне Мінскай вобласці. Уваходзіць у склад Іжскага сельсавета. На 2012 год 35 двароў, 55 жыхароў.
У 1561 годзе — сяло, падоранае Жыгімонтам Аўгустам Войстамскай парафіі.
У 1612 ва ўласнасці Станкевічаў. Прададзены Карэйвам.
У 1766 у маёнтку Войстам.
У другой палове 19-га стагоддзя Любкі адносяцца да Рускасельскай грамады.
У 1915—1916 гадах тут размяшчалася салдацкая кухня расійскіх войскаў. Ад неасцярожнага абыходжання з агнём згарэў увесь цэнтр вёскі. Цэнтр адбудоўваць не сталі.
У 1938 — у Войстамскай вясковай гміне.
У 1939 — у складзе Куранецкага раёна Вілейскай вобласці БССР.
У 1950 створаны калгас імя Сталіна, які аб’яднаў 46 сялянскіх гаспадарак[2].