Лотаць[3][4] (Cáltha) — невялікі род кветкавых раслін сямейства Казяльцовыя (Ranunculaceae).
Шматгадовыя травы з тоўстым, уверсе галінастым сцяблом. Лісце суцэльнае, сэрца- або ныркападобнае, чаргаванае. Кветкі жоўтыя ці белыя з простым калякветнікам. Плод — шматлістоўка.
Налічваецца каля 90[4] відаў. Пашыраны ў Еўразіі, Паўночнай Амерыцы і Аўстраліі. На тэрыторыі Беларусі трапляецца толькі 1 від — лотаць балотная (Caltha palustris)[5]; трапляецца на забалочаных лугах, у алешніках, вадзе.
Некаторыя віды ядавітыя. Лекавыя, фітанцыдныя і дэкаратыўныя расліны.