Карл Ігнат Леапольд Кні (ням.: Carl Ignaz Leopold Kny; 6 ліпеня 1841, Брэслау — 26 чэрвеня 1916, Берлін) — нямецкі батанік, які вывучаў, у асноўным, грыбы, імхі, папараці і водарасці.
Вучыўся ў Брэславе, Мюнхене і ў Берліне (у Аляксандра Браўна).
З 1873 года прафесар фізіялогіі раслін у Берлінскім універсітэце і ў Вышэйшай земляробчай школе, дырэктар Інстытута фізіялогіі раслін. Сярод яго вучняў у Берліне быў фізіёлаг раслін Герман Фёхтынг (1847-1917)[4].
Кні вядомы выданнем насценных табліц па ўсіх аддзелах батанікі (ням.: Botanische Wandtafeln). Гэта цудоўнае выданне ўяўляе сабой навуковую працу, заснаваную на самастойных даследаваннях. Тэкст, які на 554 старонках тлумачыць табліцы, часта ўтрымліваў шэраг вельмі каштоўных манаграфій. Ілюстрацыйная частка адрознівалася дэталёвай прапрацоўкай. Выданне пачалося ў 1874 годзе і скончылася ў 1911 годзе. Былі выдадзены 117 табліц.