У паняцця ёсць і іншыя значэнні, гл. Касцюкоўка (значэнні).
Касцюкоўка[2] (трансліт.: Kasciukoŭka, руск.: Костюковка) — былы рабочы пасёлак у Гомельскай вобласці Беларусі, падпарадкоўваўся Чыгуначнаму райсавету Гомеля. За 12 км ад Гомеля, чыгуначная станцыя на лініі Гомель — Жлобін, на аўтадарозе Гомель — Магілёў. Насельніцтва 9 904 чал. (2016)[1].
Вядомы з 1873 года як станцыя Лібава-Роменскай чыгункі. З 1929 года пасёлак рабочых Гомельскага шклозавода, з 1935 года рабочы пасёлак. У час Вялікай Айчыннай вайны завод і пасёлак разбураныя, у 1943—1945 адноўленыя. Апроч шклозавода, у Касцюкоўцы дзейнічаюць прадпрыемствы тарфяной і швейнай прамысловасці.
У 2016 годзе Касцюкоўка ўвайшла ў межы Гомеля[3].