У Вікіпедыі ёсць артыкулы пра іншых асоб з прозвішчам Асецкі.
Карл фон Асецкі (ням.: Carl von Ossietzky; 3 кастрычніка 1889, Гамбург — 4 мая 1938, Берлін) — нямецкі публіцыст, сатырык; радыкальны пацыфіст і антыфашыст. Лаўрэат Нобелеўскай прэміі міру 1935 года.
Удзельнік 1-й сусветнай вайны, ініцыятар пацыфісцкага руху. 3 1919 сакратар берлінскага «Нямецкага таварыства міру», супрацоўнік левай прэсы. 3 1927 галоўны рэдактар часопіса «Die Weltbühne» («Сусветная трыбуна»). У вострасатырычных артыкулах і надзённых памфлетах выкрываў палітыку веймарскага ўрада, нямецкі мілітарызм і фашызм, за што не раз прыцягнуты да судовай адказнасці. Яго стылю ўласціва з’едлівая іронія. У 1933 кінуты ў канцлагер, творы яго забаронены, кнігі спалены. Памёр у турэмнай бальніцы.