wd wp Пошук: ⬜

Каптур

Каптур (укр.: Очіпок, руск.: Повойник, подубрусник) — традыцыйны галаўны ўбор замужніх жанчынаў ва Усходняй Еўропе: на Беларусі, Украіне, у Расіі.

Уяўляў сабой шапачку з плоскім ці паўшарападобным верхам і з вушкамі, да якіх прышывалі матузкі для завазвання пад падбародкам. Шылі яго з аксаміту, шоўку, атласу, паркалю звычайна чырвонай гамы; вушкі і перад аздаблялі вышыўкай, залатой і срэбнай тасьмой, нашыўкамі рознакаляровых стужак, бісерам[1][2].

На Беларусі бытаваў пераважна ў Цэнтральнай і Заходняй Беларусі да пачатку XX ст. (у XVI—XVII стст. яго насілі знатныя гараджанкі і шляхцянкі). Надзявалі на тканку (круглы валік, на які накручвалі валасы), зверху часта завівалі намітку, завязвалі хустку[1].

На Русі быў вядомы яшчэ ў XIII—XVII стагоддзях. Да другой паловы XIX стагоддзя заўсёды з’яўляўся толькі ніжнім галаўным уборам, зверху надзявалі іншы галаўны ўбор, потым мог насіцца самастойна[3].

Гл. таксама

• Беларускія нацыянальныя галаўныя ўборы

Зноскі

1. 1 2 Каптур
2. ↑ Повойник (руск.)
3. ↑ Повойник Архівавана 10 лістапада 2013. (руск.)

Літаратура

• Каптур // Этнаграфія Беларусі: Энцыклапедыя / Рэдкалегія: І. П. Шамякін (гал. рэд.) і інш. . — Мн.: БелСЭ, 1989. — 575 с. — ISBN 5-85700-014-9. — С. 244.

Спасылкі

• Каптур ад куцюр
• Каптур
• Очипок Архівавана 5 сакавіка 2016. (руск.)
• Повойник (руск.)
• Повойник Архівавана 10 лістапада 2013. (руск.)

Тэмы гэтай старонкі (2):
Галаўныя ўборы ўсходніх славян
Галаўныя ўборы