wd wp Пошук: ⬜

Камуністычная партыя Украіны

Камуністычная партыя Украіны (укр.: Комуністична партія України) — палітычная партыя ва Украіне, заснаваная ў 1993 годзе пасля зняцця забароны на стварэнне партый з камуністычнай ідэалогіяй ва Украіне. Нязменным лідарам партыі з моманту заснавання з’яўляецца Пётр Сіманенка.

Камуністычная партыя Украіны лічыць сябе пераемнікам Камуністычнай партыі Украіны ў складзе КПСС.

16 снежня 2015 суд горада Кіева забараніў дзейнасць КПУ[2] па прычыне дэкамунізацыі і забароны на прапаганду адпаведных ідэй. Аднак, на момант 2018 года пастанова суда аб забароне не ўступіла ў сілу і Камуністычная партыя Украіны афіцыйна не забароненая і можа прымаць удзел у выбарах[3].