Жорж Эдмон Равуль Дзюмезіль (фр.: Georges Edmond Raoul Dumézil, 4 сакавіка 1898 - 11 кастрычніка 1986) — французскі філолаг, лінгвіст, рэлігіязнаўца. Дзюмезіль спецыялізаваўся ў кампаратыўнай лінгвістыцы і міфалогіі. Ён быў прафесарам Стамбульскага ўніверсітэту, Практычнай школы вышэйшых даследаванняў і Калеж-дэ-Франс, а таксама членам Акадэміі навук Францыі. Дзюмезіль найперш вядомы за тое, што сфармуляваў трыфункцыянальную гіпотэзу праіндаеўрапейскай міфалогіі і грамадства. Ягоныя даследчанні маюць вялікі ўплыў у галіне параўнальнага міфалогіязнаўства і параўнальнай індаеўрапеістыкі.