wd wp Пошук: ⬜

Стамбульскі ўніверсітэт

Стамбульскі ўніверсітэт (турэцк.: İstanbul Üniversitesi, англ.: Istanbul University) — вядучая вышэйшая навучальная ўстанова Стамбула і Турцыі, найстарэйшы ўніверсітэт краіны.

Асноўная тэрыторыя ўніверсітэта размешчана ў старой частцы горада, паміж мячэццю Беязіт і мячэццю Сулейманам. У цяперашні час ва ўніверсітэце і яго філіялах навучаецца больш за 60 тыс. студэнтаў і 8 тыс. аспірантаў, больш за 2 тыс. прафесараў.

Гісторыя

Заснаваны па загадзе султана Мехмеда Заваёўніка пасля ўзяцця Канстанцінопаля ў 1453 годзе. Да XX стагоддзя з’яўляўся вышэйшай мусульманскай школай, пасля абвяшчэння Турэцкай Рэспублікі (1923) быў рэарганізаваны ў 1927 і 1933 гадах і стаў свецкай адукацыйнай установай.

Бібліятэка Стамбульскага ўніверсітэта

Бібліятэка Стамбульскага ўніверсітэта заснавана ў 1925 годзе і з’яўляецца адной з найбуйнейшых бібліятэк Турцыі. Яе фонд налічвае больш 250 тысяч тамоў кніг і больш 18 тысяч рукапісаў.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.

Спасылкі

Афіцыйны сайт універсітэта (англ.) (тур.)
Універсітэт на WikiMAPIA