Ермяке́еўскі раён (руск.: Ермекеевский район; башк.: Йәрмәкәй районы) — адміністрацыйна-тэрытарыяльная адзінка на захадзе Башкартастана ў Расіі. Адміністрацыйным цэнтрам з’яўляецца сяло Ермякеева.
Ермякееўскі раён мяжуе з Туймазінскім, Белябееўскім і Біжбуляцкім раёнамі, а таксама з Арэнбургскай вобласцю і Татарстанам. Плошча раёна складае 1438 км².
Ермякееўскі раён быў утвораны 31 студзеня 1935 года ў адпаведнасці з пастановай УЦВК.
Насельніцтва раёна станам на 2017 год складала 15737 чалавек. Паводле перапісу 2010 года большасць складаюць татары (36,4 %), далей ідуць башкіры (28,6 %), чувашы (14,6 %), рускія (11,8 %), мардва (3,4 %) і ўдмурты (3 %).