Белябе́еўскі раён (руск.: Белебеевский район; башк.: Бәләбәй районы) — адміністрацыйна-тэрытарыяльная адзінка на захадзе Башкартастана ў Расіі. Адміністрацыйным цэнтрам з’яўляецца горад Белябей.
Белябееўскі раён мяжуе з Буздзяцкім, Даўлеканаўскім, Альшэеўскім, Біжбуляцкім, Ермякееўскім і Туймазінскім раёнамі. Плошча раёна складае 1911,20 км².
Белябееўскі раён быў утвораны 20 жніўня 1930 года ў адпаведнасці з пастановай УЦВК.
Насельніцтва раёна станам на 2017 год складала 97459 чалавек. Паводле перапісу 2010 года большасць складаюць рускія (45,6 %), далей ідуць татары (22,9 %), чувашы (13,5 %), башкіры (12 %), украінцы (1,7 %) і мардва (1,6 %).