Біжбуля́цкі раён (руск.: Бижбулякский район; башк.: Бишбүләк районы) — адміністрацыйна-тэрытарыяльная адзінка на захадзе Башкартастана ў Расіі. Адміністрацыйным цэнтрам з’яўляецца сяло Біжбуляк.
Біжбуляцкі раён мяжуе з Альшэеўскім, Міякінскім, Ермякееўскім і Белябееўскім раёнамі, а таксама з Арэнбургскай вобласцю. Плошча раёна складае 2133,90 км².
Біжбуляцкі раён быў утвораны 20 жніўня 1930 года ў адпаведнасці з пастановай УЦВК.
Насельніцтва раёна станам на 2017 год складала 22984 чалавекі. Паводле перапісу 2010 года большасць складаюць чувашы (35,3 %), далей ідуць татары (26,1 %), башкіры (22 %), рускія (11,8 %) і эрзя (3,6 %).