wd wp Пошук:

Дуб пухнаты

Дуб пухнаты (Quércus pubéscens) — від дрэў з роду Дуб сямейства Букавыя (Fagaceae).

Батанічнае апісанне

Quercus pubescens
Quercus pubescens
Лісце дубу пухнатага

Невысокае дрэва (да 12-18 метраў[3]) з шырокай кронай, часам нават куст. Ствол часта звілісты. Маладыя парасткі моцна апушаныя.

Лісце 5-10 см даўжынёй, вельмі зменлівае па форме і велічыні, з 4-8 парамі тупых або завостраных лопасцяў, зверху цёмна-зялёнае, голае, знізу шэра-зялёнае, апушанае.

Лускавінкі плюскі, якая атуляе жолуд, таксама пухнатыя.

Арэал і экалогія

Арэал віду — паўднёвы Крым, паўночная частка Закаўказзя, Паўднёвая Еўропа і Малая Азія. Расце ў запаведніках Крыма. Утварае ксерафітныя рэдкалессі на пародах, якія змяшчаюць вапну. Вельмі святлалюбны ксерафіт[4]. Расце ў лясах ніжняга пояса на паўднёвых схілах гор, падымаючыся на вышыню да 400 метраў над узроўнем мора. Дае высокакаларыйнае паліва. Сеянцы дуба пухнатага выкарыстоўваюцца як прышчэпа для няўстойлівых да марозу і засухі відаў дуба.

Зноскі

  1. Ужываецца таксама назва Пакрытанасенныя.
  2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
  3. Дуб пушистый — Quercus pubescens Willd. на megabook.ru
  4. Энциклопедия декоративных садовых растений(нявызн.). Архівавана з першакрыніцы 13 студзеня 2013.

Спасылкі

Тэмы гэтай старонкі (5):
Катэгорыя·Біялагічныя артыкулы без ITIS
Катэгорыя·Дуб
Катэгорыя·Расліны паводле алфавіта
Катэгорыя·Флора Еўразіі
Катэгорыя·Расліны, апісаныя ў 1796 годзе