.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Дзмітрый Шчагрыковіч (нар. 7 снежня 1983, Салігорск) — беларускі футбаліст (паўабаронца) і трэнер. У цяперашні час працуе трэнерам у клубе «Слуцк».
У 2003—2004 гадах гуляў у БАТЭ, пасля доўгі час быў футбалістам мінскага МТЗ-РІПА. Забіў мяч у апошнім туры чэмпіянату 2009 у браму «Віцебска», тым самым выратаваўшы мінскі клуб ад вылету, але сам пакінуў яго. Пасля гуляў за «Белшыну» і «Мінск».
У студзені 2012 года падпісаў кантракт з «Тарпеда-БелАЗ». Хутка стаў адным з лідараў жодзінскага клуба, замацаваўшыся на пазіцыі апорнага паўабаронцы (часам выступаў як цэнтральны паўабаронца). У пачатку 2013 года стаў таксама капітанам каманды, і ў сезоне 2013 правёў усе 32 матчы клуба ў чэмпіянаце. Заставаўся трывалым іграком асновы і ў 2014 годзе, але з-за траўмы не гуляў у верасні 2014 года.
У студзені 2015 года падоўжыў кантракт з жодзінцамі[2]. У сезоне 2015 з’яўляўся на полі, пераважна выходзячы на замену. У студзені 2016 года па заканчэнні кантракта пакінуў «Тарпеда-БелАЗ»[3].
Неўзабаве пасля зыходу з жодзінскага клуба стаў іграком «Слуцка»[4], дзе замацаваўся ў якасці асноўнага апорнага паўабаронцы. Сезон 2017 таксама пачынаў у аснове, але пазней стаў у асноўным толькі выхадзіць на замену. Па заканчэнні сезона ў лістападзе 2017 года разарваў кантракт са «Слуцкам»[5].
У студзені 2018 года стаў іграком «Белшыны»[6], а ў студзені 2019 года перайшоў у «Смалявічы»[7]. У першай палове сезона 2019 быў іграком стартавага складу, са жніўня страціў месца ў аснове. У студзені 2020 года падоўжыў кантракт са «Смалявічамі»[8].
У кастрычніку 2020 года пакінуў «Смалявічы», завяршыўшы кар’еру[9], і ўвайшоў у трэнерскі штаб «Слуцка»[10].
У ліпені 2021 года ў якасці аматара далучыўся да слуцкага «Спартака» ў Другой лізе.
Гуляў за моладзевую зборную Беларусі. У 2009 годзе згуляў адзін неафіцыйны матч за зборную Беларусі (другая зборная).
Стрыечны брат Дзмітрыя, Сяргей, таксама з’яўляецца футбалістам.
Сезон | Дывізіён | Клуб | Краіна | Матчы | Галы |
---|---|---|---|---|---|
2001 | дубль | Шахцёр | 25 | 0 | |
2002 | дубль | Шахцёр | 25 | 1 | |
2003 | Д1 | БАТЭ | 8 | 1 | |
2004 | Д1 | БАТЭ | 17 | 1 | |
2005 | Д1 | МТЗ-РІПА | 16 | 0 | |
2006 | Д1 | МТЗ-РІПА | 25 | 1 | |
2007 | Д1 | МТЗ-РІПА | 23 | 1 | |
2008 | Д1 | МТЗ-РІПА | 30 | 0 | |
2009 | Д1 | МТЗ-РІПА | 26 | 2 | |
2010 | Д1 | Белшына | 31 | 2 | |
2011 | Д1 | Мінск | 32 | 1 | |
2012 | Д1 | Тарпеда-БелАЗ | 25 | 0 | |
2013 | Д1 | Тарпеда-БелАЗ | 32 | 4 | |
2014 | Д1 | Тарпеда-БелАЗ | 27 | 1 | |
2015 | Д1 | Тарпеда-БелАЗ | 17 | 1 | |
2016 | Д1 | Слуцк | 26 | 1 | |
2017 | Д1 | Слуцк | 14 | 0 | |
2018 | Д2 | Белшына | 23 | 1 | |
2019 | Д2 | Смалявічы | 16 | 0 | |
2020 | Д1 | Смалявічы | 17 | 1 | |