Дзе́ркаўшчына[1] (трансліт.: Dzierkaŭščyna, руск.: Дерковщина) — вёска ў Глыбоцкім раёне Віцебскай вобласці. Уваходзіць у склад Карабоўскага сельсавета.
У 1806 годзе належала Бухавецкаму. У 1866 годзе ў вёсцы было 26 двароў, 196 жыхароў каталіцкага веравызнання, у фальварку — 56 жыхароў[2].
У 1940—1958 гадах была цэнтрам Дзеркаўшчынскага сельсавета[3].
У 2000—2001 гадах выходзіла газета «Рэха Дзеркаўшчыны», заснавальнікам якой быў Зміцер Курцэвіч. Выйшла 10 нумароў[4]. Выданне асвятляла вясковыя праблемы[5].
Працуюць Дзеркаўшчынскі дзіцячы сад — базавая школа[6], цэнтр культуры[7], крамы, ФАП, пошта[8].