У Вікіпедыі ёсць артыкулы пра іншых асоб з прозвішчам Саліван. .mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}
Джэйкаб Джэрэмая Саліван (англ.: Jacob Jeremiah Sullivan; нар. 28 лістапада 1976, Берлінгтан) — амерыканскі дзяржаўны дзеяч, саветнік па нацыянальнай бяспецы віцэ-прэзідэнта ЗША ў 2013—2014 гадах, саветнік прэзідэнта ЗША па нацыянальнай бяспецы з 2021 года.
Нарадзіўся ў Берлінгтане, штат Вермонт. Другі з пецярых дзяцей у сям’і; скончыў сярэднюю школу ў Мінеапалісе. У 1998 годзе скончыў Ельскі ўніверсітэт. Атрымаўшы стыпендыю Родса, працягнуў адукацыю ў Оксфардскім універсітэце, затым вярнуўся ў ЗША і скончыў школу права Ельскага ўніверсітэта ў 2003 годзе.
Займаўся адвакацкай практыкай у фірме Faegre & Benson, з’яўляўся дарадцам сенатара ЗША ад Мінесоты Эмі Клобушар. Падчас прэзідэнцкай кампаніі 2008 года знаходзіўся ў камандзе Хілары Клінтан, у студзені 2009 года быў прызначаны намеснікам кіраўніка апарата Клінтан як дзяржаўнага сакратара ЗША ў адміністрацыі Барака Абамы. 26 лютага 2013 г. прызначаны дарадцам віцэ-прэзідэнта Джо Байдэна па нацыянальнай бяспецы.
У 2014 годзе пакінуў дзяржаўную службу і пачаў выкладаць у Ельскай школе права.
23 лістапада 2020 года Джо Байдэн абвясціў спіс сваіх кандыдатаў на ключавыя пасады ў сваёй будучай адміністрацыі, назваўшы Джэйка Салівана прэтэндэнтам на пасаду дарадцы па нацыянальнай бяспецы.